يعني ايه قرض شخصي؟

القرض الشخصي هو نوع من القروض اللي بيقدمها البنوك للأفراد وبيكون القرض بدون ضمانات، وتتراوح مدة القروض الشخصية من سنة لـ 10سنين.

ايه الفرق بين قرض السيارة، القرض الشخصي وقرض المنزل؟

الفرق هو أن القرض الشخصي مش بيكون بضمان أصول (الضمان الوحيد هو المرتب)، وقرض المنزل بيكون بضمان المنزل اللي اشتريته ومدة القرض بتوصل لـ20 سنة، أما قرض السيارة فـ بيكون بضمان السيارة ولمدة أقصاها 7 سنين.

ايه المطلوب عشان تقدم على قرض شخصي؟

في ثلاث برامج رئيسية للتقديم على قرض الشخصى : 1-للموظفين 2- لأصحاب الأعمال المهنية 3- لأصحاب الأعمال الحرة.

بس الأول لازم يكون عندك:

• ملف ائتماني إيجابي (i-score)
• حد الاقتراض الشخصي متوازن، بمعنى ان القرض اللي عايز تاخده زائد باقي التزاماتك البنكية لازم مايعديش 50% من صافي دخلك.

ايه هي الاوراق المطلوبة للتقديم؟

الأوراق المطلوبة للتقديم على قرض شخصي بتعتمد على نوع وظيفتك والبنك اللي هيديك القرض، ودول الأوراق اللي بتكون دايما مطلوبة في كل البنوك:

• عام (للكل)
  • بطاقة الرقم القومي أو جواز سفر
  • إثبات للعنوان (إيصال مرافق)
• للموظفين:
  • خطاب مفردات مرتب من الشركة (موضح به تاريخ التوظيف,صافى الراتب,المنصب الحالى)
  • كشف حساب بنكي مختوم عن الفترة من 3 لـ12 شهر (بتعتمد على البنك اللي بيقدم القرض)
• لأصحاب الأعمال المهنية:
  • كشف حساب بنكي مختوم عن الفترة من 3 لـ12 شهر (بتعتمد على البنك اللي بيقدم القرض)
  • كارنيه نقابه
  • شهاده مزاوله المهنه ( اذا توفر)
  • بطاقة ضريبية
• لأصحاب الأعمال الحرة:
  • كشف حساب بنكي مختوم عن الفترة من 3 لـ12 شهر (بتعتمد على البنك اللي بيقدم القرض)
  • سجل تجارى
  • بطاقة ضريبية

تكاليف قرض الشخصي:

فى خمس حاجات لازم تعمل حسابهم و انت بتحسب تكاليف القرض الشخصي:

1. سعر الفايدة: لو عايز تعرف اكتر عن سعر الفايدة راجع قسم الفايدة فى مركز المساعدة ، معدل الفايدة هو العامل الرئيسى لما تيجى تاخد قرض شخصي وهو ده المبلغ اللى هتتحاسب عليه طول مدة القرض ، معدلات الفايدة ليها شكلين بس هما الاتنين بيمثلوا نفس الحاجة:

الفايدة المتناقصة: في المعدل ده الفايدة بتتحسب بس على المبلغ المتبقي من القرض خلال اى فترة زمنية.

الفايدة الثابتة: المعدل ده بيمثل شكل تانى من الفايدة، والفايدة هنا بتتحسب على مبلغ القرض بالكامل.

خليك فاكر ان الفايدة المتناقصة و الفايدة الثابتة هما شكلين مختلفين لنفس الحاجة ومينفعش تقارنهم ببعض.

1. المصاريف الادارية:  هى مصاريف ثابتة بتدفعها في بداية القرض مرة واحدة، و بتتخصم من القرض اللى انت مستلفه و بتكون فى حدود من 1% الى 4% و طبعاً بتختلف من بنك لبنك 

خليك فاكر ان المصاريف الادارية بتتخصم من القرض اللى انت مستلفه كـ مصاريف مبدئية، يعنى لو اخدت قرض ب 100,000 جنيه والبنك حسب عليك 2 % مصاريف إدارية، البنك هيحولك 98,000 جنيه بس فى حسابك، بس القسط هيكون على اساس انك 

واخد 100,000 جنيه.

1. رسوم ضريبية: البنك المركزى المصرى بيحسب عليك 0.05% لكل ربع سنة على المبلغ المتبقي من القرض (المديونية اللى عليك) ، وده رقم ثابت بين كل البنوك.

مدة القرض الشخصي قد ايه؟

مدة القرض بتبدأ من سنة وبتوصل لـ10 سنين وده المتاح في معظم البنوك، وفي بنوك ممكن يكون عندها مدد قصيرة زي 6 شهور ومدد أطول زي 10 سنين، اتأكد الاول ايه البنك اللى عنده المدة المناسبة ليك.

ازاي اقدم على قرض شخصى؟

  ممكن تقدم على قرض شخصي من خلال انك تتصل بالبنك أو تزور أقرب فرع وموظف البنك هيعرفك الخطوات.

أو قدّم أونلاين

دلوقتي تقدر تقدم أونلاين على القرض الشخصي عن طريق فايدتي بسهولة من البيت، الشغل أو حتى الكافيه، في دقايق ببلاش، دوس هنا (https://www.faydety.com/borrow/personal-loan ) عشان تقدم بعد ماتقارن كل التفاصيل