أجر محمد صلاح مع إسعاد يونس والحلقة اتصورت امتى وفين؟

الفرعون المصري محمد صلاح، نجم فريق ليفربول الإنجليزي ولاعب المنتخب الوطني، هيظهر مع إسعاد يونس قريب في حلقة خاصة هتكون مختلفة تمامًا عن أي ظهور لـ"مو" وكمان هتتذاع بشكل مختلف.

هنقولك على تفاصيل أكتر عن لقاء الفرعون المصري محمد صلاح مع إسعاد يونس خاص بعد ما اتعرض البرومو الرسمي والملايين اهتموا بيه لأن كان شكله مختلف، وكمان هنقولك على كواليس كتير في اللقاء.

برومو مختلف وحوار مضخك

الجديد في برومو إعلان حلقة محمد صلاح مع إسعاد يونس إنه كان لطيف ومضخك واللي فيه قدمت صاحبة السعادة إسعاد يونس بعض الأكلات المصرية زي أي أم مصرية: الرز باللبن والترمس واللب السوري والبطاطا والسوداني وقالت في نهاية البرومو: "مين قدنا أبو صلاح عندنا".

الحلقة اتصورت امتى؟

حلقة محمد صلاح مع إسعاد يونس كان فيها كواليس كتير جدًا، والجديد إنه لأول مرة هيكون على شاشة التليفزيون المصري وكمان قناة DMC لكن مش باسم صاحبة السعادة زي ما هو معروف في برنامج إسعاد يونس.

المفاوضات بدأت مع إدارة أعمال محمد صلاح علشان يكون ضيف البرنامج من بداية أكتوبر اللي فات 2021 وحصل الاتفاق على كل التفاصيل ووقت التصوير ومدة اللقاء.

تعرف ايه عن استثمارات صلاح؟ اعرف أكتر من هنا: محمد صلاح/Egyptian King بيستثمر فلوسه في ايه 2022؟

الحلقة اتصورت فين؟

مو صلاح صور حلقته مع إسعاد يونس في نهاية شهر ديسمبر اللي فات 2021 في إنجلترا، في موقع أثري اتفقوا عليه قبل كدا وهو نفس القصر اللي احتفلت فيه قبل كدا الملكة إليزابيث بعيد ميلادها.

اللقاء اتصور قبل ما صلاح يسافر مع الفراعنة للكاميرون للمشاركة في كأس الأمم الأفريقية

ايه المختلف في حوار الفرعون المصري المرة دي؟

المختلف المرة دي في حوار محمد صلاح عن حواراته مثلًا مع عمرو أديب هو طبيعة الحوار ومناقشة الجوانب الإنسانية في حياة الملك مو صلاح وعلاقته ببناته وزوجته ووالديه واخواته وكمان ذكرياته خلال مشوار كفاحه قل الاحتراف في أوروبا وكمان أصدقائه وكمان في اللقاء في مواقف إنسانية لطيفة.

صلاح أخد كام علشان يظهر مع إسعاد يونس؟

حسب التقارير الإعلامية في الفترة الأخيرة مو صلاح أخد 16 مليون جنيه لظهوره مع إسعاد يونس في حوار خاص.

موعد عرض لقاء محمد صلاح مع إسعاد يونس

اللقاء هيتعرض على جزئين في بداية شهر مارس الجاي 2022 على شاشتي DMC والقناة الأولى التليفزيون المصري، ومش هيكون فيه اسم برنامج إسعاد يونس "صاحبة السعادة" لكن هيكون اسمه لقاء خاص مع محمد صلاح.

الفرعون المصري بياكل ايه وبكام في اليوم؟ اعرف أكتر من هنا: عارف محمد صلاح The Egyptian King بياكل بكام في اليوم!