أرخص 5 مصايف في 2022: أسعار الشقق والشواطئ

اعرف أرخص مصيف في 2022 بأسعار الشقق والشواطئ زي اسكندرية ومرسى مطروح وجمصة، وايه اللي ممكن تعمله هناك، يلا مستني ايه اهرب من حر الصيف واخطف اجازة سريعة واستمتع بالهواء والبحر ومش هتدفع فلوس كتير.

بمناسبة كلامنا عن المصايف اعرف أكتر عن الساحل الشمالي الطيب والساحل الشريب من هنا: تروح فين الساحل الطيب VS الساحل الشرير؟ خناقة كل صيف

مصيف الإسكندرية 1- 2022

من أقدم المصايف على الإطلاق وفي الإسكندرية أكتر من 100 شاطئ أسعارها رخيصة ومناسبة للكل، اعرف أكتر عن أسعار كل شواطئ الإسكندرية من هنا: 

اعرف أسعار دخول شواطئ الإسكندرية لصيف 2022

الإقامة في الإسكندرية

في خيارات كتير قدامك في الإسكندرية زي :

• بيت الشباب بمنطقة الشاطبي التابع لوزارة الرياضة (ورا مسرح بيرم التونسي) -  سعر الليلة فيه بتبدأ من 50 جنيه.
• أما الفنادق اللي على البحر مباشرة في منطقة محطة الرمل وشارع الشهداء، ومحطة الرمل، سعر الليلة فيها بتكون حوالي 250 جنيه.
• أرخص مناطق في الإسكندرية العجمي والهانوفيل وفيها بتبدأ سعر الليلة من 250 لـ 400 جنيه.
• سعر الشقة في العصافرة بحري بتبدأ من 400 جنيه.
• أما في خالد بن الوليد وميامي سعر الحدات هناك بيوصل لـ 350 جنيه.

2- مدينة دهب

• لو لسه مروحتش دهب يبقى فايتك كتير لأن المصيف هناك ممتع جدًا وفيه مناظر طبيعية كتير، بتعتبر من أفضل أهم الأماكن السياحية في مصر خاصة لو بتدور على الهدوء والاستجمام.
• في شركات سياحية كتير بتنظم رحلات لدهب شاملة الانتقالات الطعام والرحلات الداخلية بسعر يبدأ من 2500 جنيه للفرد.
• لكن لو هتروح مع نفسك خلينا نقولك إن متوسط سعر التذكرة رايح جاي 550 جنيه، وسعر الغرف هناك 150 جنيه كمتوسط في الليلة.
• في دهب تقدر تعمل حاجات كتير جدًا زي: الغطس والسنوركلينج ومتوسط سعرها 450 جنيه للفرد.

اعرف أكتر عن خناقة البيكيني والبوركيني من هنا: مايوهات هادية غالب بكام في 2022 وليه غالية؟

3- مصيف رأس البر

• سعر الغرف في الفنادق القريبة من البحر حوالي 200 جنيه في الليلة، وبتوصل لـ 400 جنيه حسب المساحة والمكان وتجهيزات الشقة.
• أسعار الشاليهات ما بين 150 و500 جنيه حسب القرب من البحر.

4- مصيف مرسى مطروح

من أفضل المصايف اللي ممكن تروحها وشواطئها نضيفة ومايتها كمان نضيفة جدًا.

أسعار الإقامة في الشقق المصيفية في مرسى مطروح بتبدأ من 150 جنيهًا، لغاية 500 جنيه لليلة.

أشهر شواطئ في المحافظة شاطئ رومل وليلى مراد، ومتوسط رسم دخول الشاطئ حالي 50 جنيه للفرد.

حفلات أغسطس 2022 اعرفها من هنا: حفلات وعروض فنية في أغسطس 2022: كاظم الساهر وعمرو دياب وعنبة

5- مصيف جمصة

من المصايف الرخيصة في مصر هو مصيف جمصة، ودي مدينة في الدقهلية وقريبة من محافظات كفر الشيخ والمنصورة والإسكندرية.

سعر تأجير شقة صغيرة في جمصة بتكون حوالي 200 جنيه في اليوم الواحد.

من أشهر وأنضف المناطق هناك: الأندلس، والمروة، والكرنك.