أسعار حفلات مسرح الزمالك: عنبة وأوتوستراد والوايلي وإيليت

اعرف أسعار الحفلات والعروض الفنية في مسرح الزمالك بعد عودته مرة تاني، وكان الفترة الأخيرة اتوقف بشكل مؤقت لكنه راجع في نهاية يوليو وأغسطس من خلال حفلات قوية في موسم الصيف.

أبرز حفلات مسرح الزمالك الفترة الجاية في شهرين 7 و8 هتكون عنبة وأوتوستراد والوايلي إيليت، ومسرح الزمالك مهتم يقدم دايمًا أنواع مختلفة من الفنون الغنائية اللي بتناسب كل الأذواق.

اعرف أكتر عن الحفلات والعروض الفنية في يوليو من هنا: حفلات وعروض فنية في يوليو 2022: أنغام وعلي الحجار وسيمون

حفلات مسرح الزمالك

من أشهر الفنون الغنائية اللي هتلاقيها على خشبة مسرح الزمالك: الطرب والأندرجراوند والشعبي، ودا هيظهر خلال موسم حفلات اللي بيبدأ نهاية الشهر الحالي وبيستمر لغاية نهاية العام 2022.

الوايلي ومولتوف ودي جي توتي

• الموزع الموسيقي الوايلي هيفتتح موسم حفلات الصيف بحفل موسيقي مع مولوتوف ودي جي توتي.
• الحفلة هتكون يوم السبت 30 يوليو.
• سعر التذاكر: 200 جنيه.

اعرف أكتر عن الحفل وازاي تحجز من هنا

اعرف حفلات عمر خيرت في يوليو 2022 من هنا: حفلات عمر خيرت في يوليو 2022 بكام وازاي تحجز؟

عنبة في مسرح الزمالك

• يوم الاتنين 1 أغسطس عنبة هيقدم حفل غنائي في مسرح الزمالك.
• ودي هتبقى المرة التالتة اللي يظهر فيها في مسرح الزمالك.
• سعر التذاكر: 200 جنيه.

اعرف أكتر عن حفل عنبة وازاي تحجز من هنا

أوتوستراد 

• الفرقة الأردنية أوتوستراد هتقدم حفل على خشبة مسرح الزمالك احتفالا بألبومها الجديد.
• الحفل هيكون يوم الخميس 4 أغسطس.
• والحفلة دي تم تأجيلها من ابريل الماضي.
• سعر التذاكر: 200 جنيه

اعرف أكتر عن حفلة أوتوستراد وازاي تحجز من هنا

إيليت

• فريق الاستاند أب كوميدي المعروف هيقدم أول حفلاته على خشبة مسرح الزمالك.
• الحفلة هتكون يوم الجمعة 5 أغسطس.