اعرف أقدم 5 بنوك في مصر وسنة التأسيس

عالم البنوك فى مصر بدأ فى نهاية القرن ال19، مع تأسيس البنك العقاري المصري العربي سنة 1880 اللي يعتبر أول بنك فى مصر، وبعد بدأ يزيد وجود البنوك المصري على الساحة البنكية وبدأ تزيح البنوك الاجنبية اللي كانت مستولية على القطاع البنكي فى مصر.

ومع مبادرة طلعت حرب المعروف ب"أبو الاقتصاد المصري" لبناء بنك مصر اللي بيعتبر أول بنك مملوك للمصريين، زادت فكرة بناء البنوك المصرية.

لو عايز تعرف أكتر عن  أبو الاقتصاد المصري ممكن تدخل هنا، مين هو طلعت حرب؟

 أقدم 5 بنوك في تاريخ القطاع البنكي المصري

1- البنك العقاري المصري العربي

سنة تأسيسه: 1880

صدر قرار من الخديوي توفيق بتأسيس شركة مساهمة بأسم البنك العقاري المصري، واللي كانت مهمتها تقديم القروض المختلفة لأصحاب الأراضي الزراعية، و سنة 1946 اسست الجامعة العربية البنك العقاري العربي تحت اسم الشركة العربية العقارية، واللي اتغير للبنك العقاري العربي سنة 1954.

وسنة 1999، قرر مجلس الوزراء المصري دمج البنكين تحت اسم البنك العقاري المصري العربي.

2-البنك الأهلي المصري

سنة تأسيسه: 1898

من أقدم بنوك مصر البنك الأهلي اللي أسسه روفائيل سوارس وإرنست كاسل برأسمال مليون جنيه إسترلينى، واحتكر السوق المصرفية لمدة خمسين سنة، ده غير أنه كان بيقوم بدور البنك المركزي في الخمسينات قبل ما يتم تأميمه في الستينات، واتفرغ بعد التأميم لأعمال البنوك التجارية.

اتأسس عشان يقدم قروض للمزارعين المصريين ويحميهم من البنوك الأجنبية. كان أسمه فى البداية البنك الرئيسي للتنمية والائتمان الزراعي واتحول سنة 2016 للبنك الزراعي المصري.

3-بنك مصر 

سنة تأسيسه: 1920

يعتبر أول بنك مصري مملوك للمصريين بنسبة 100%، اتأسس على يد الاقتصادي المصري طلعت حرب، ويعتبر بنك مصر من أكبر البنوك الوطنية الرائدة فى تمويل المشروعات فى كل القطاعات المختلفة.

4-البنك الزراعي المصري

سنة تأسيسه: 1930

اتأسس عشان يقدم قروض للمزارعين المصريين ويحميهم من البنوك الأجنبية. كان أسمه فى البداية البنك الرئيسي للتنمية والائتمان الزراعي واتحول سنة 2016 للبنك الزراعي المصري.

6-بنك القاهرة

سنة تأسيسه: 1952

اتأسس  كشركة مساهمة مصرية برأسمال 1.5 مليون جنيه مصرى، وسنة 1957 اشتري فروع 2 من البنوك الفرنسية فى مصر، بنك الكونتوار ناسيونال ديسكونت دى بارى، وبنك كريدي ليونيه.