اعرف أكتر عن تجارة القهوة وامتى بدأت في العالم؟
تاريخ النشر: 03 أكتوبر 2020 طرائف وعجائب
تحب تقول للقهوة ايه؟
القهوة ممكن تكون حالة هوس عالمي أكتر من كونها مجرد مشروب، وأصبح حب القهوة حاجة بتجمع وتفرق الناس، ولكن هي حالة الهوس دي ابتدت إزاي؟
بداية القهوة:
بالرغم من إن الأمريكان بقوا هم المعروف عنهم شرب القهوة بسبب انتشار شركات زي ستاربكس في كل أنحاء العالم، ولكن بداية القهوة وانتشارها كان من اليمن، وإن القهوة كانت المشروب الأساسي في الأديرة الصوفية هناك.
والمفروض إن انتشرت في اليمن بعد ما شيخ صوفي صادف المشروب ده في أثيوبيا ورجع بيه من هناك للأديرة الصوفية، وبيتفق العلماء إن أصل شجرة القهوة جاي من أثيوبيا وإن كل أنواع القهوة الموجودة حالياً منحدرة من النوع الأصلي اللي كان بيتزرع في أثيوبيا.
بالرغم من إن الأمريكان بقوا هم المعروف عنهم شرب القهوة بسبب انتشار شركات زي ستاربكس في كل أنحاء العالم، ولكن بداية القهوة وانتشارها كان من اليمن
القهوة في مصر:
يُقال إن القهوة انتشرت في مصر عن طريق الطلاب الأزهرين اليمنين في القرن الـ16، وإن الطلبة المصريين لاحظوا إن زمايلهم اليمنين بيشربوا حاجة تساعدهم على التركيز والمذاكرة، وابتدوا إنهم يقلدوهم. بس انتشار القهوة في مصر ما كانش سلس، لإن رجال الدين في الوقت ده كانوا خايفين جداً من المشروب الغريب اللي بيدي طاقة للناس، والغريب إن بعضهم كان مقتنع إن القهوة مشروب مُسكر ومُخدر. ولمدة فترة طويلة كانت القهوة مشروب مُحرم ولكن في ناس كانت متمسكة بيها وفضلت تشربها، وبعد فترة غلب الرأي العام رجال الدين وأصبح شرب القهوة عادة مصرية.
بالنسبة لتجارة الشاي اللي دايما بينافس القهوة، تقدر تعرف عنها من هنا.
