اعرف امتى مصر هتلاعب السعودية في نهائي كأس العرب ؟

أنت عارف إن منتخب مصر للشباب مواليد 2003 بيلعب حاليًا في بطولة كأس العرب للشباب؟ مش بس كدا كمان المنتخب المصري نجح في إنه يوصل للمباراة النهائية واللي هتكون قدام المنتخب السعودي.

في المقال دا فايدتي هتلم الموضوع وتقلك معلومات أكتر عن بطولة كأس العرب للشباب وبتتلعب فين ومشوار مصر والسعودية طول البطولة وموعد المباراة النهائية ومعلومات تانية كتير.

ايه هي بطولة كأس العرب للشباب 2022؟

• بطولة كأس العرب تحت 20 سنة للمنتخبات واسمها كمان البطولة العربية للشباب.
• بتتلعب حاليًا في السعودية.
• البطولة كلها اتلعبت في يوليو وأغسطس 2022.
• مصر والسعودية وصلوا لنهائي البطولة.. كمل المقال واعرف مشوار الفريقين وموعد النهائي.
• شارك في البطولة 18 منتخب: 6 مجموعات والمجموعة الواحدة فيها 3 منتخبات.

لو ماتبعتش دور ألعاب البحر المتوسط اعرف النتايج بتاعتها من هنا: ترتيب دورة العاب البحر المتوسط: مصر جابت كام ميدالية؟

مشوار المنتخب المصري والسعودي في البطولة

اعرف مشوار المنتخب المصري والمنتخب السعودي في بطولة كأس العرب للشباب قبل وصولهم النهائي..

مشوار منتخب مصر

• بدأ مشواره في بطولة كأس العرب للشباب تحت 20 سنة من المجموعة الرابعة.
• فاز بصدارة المجموعة برصيد 6 نقاط بعد ما فاز على عمان والصومال.
• ولما وصل الدورربع النهائي، فاز على المغرب بنتيجة 2-1 بعد مباراة مثيرة.
• وفي الدور نصف النهائي، نجح منتخب مصر في التفوق على منتخب الجزائر بـ 3 أهداف مقابل هدف وبعدها وصل لنهائي البطولة.

ليك في الدومينو؟ طب ما تلعب واكسب دلوقتي اعرف أكتر من هنا: "قعدة القهوة بتعمل بطولات".. العب دومينو واكسب فلوس

مشوار منتخب السعودية 

• وصل المنتخب السعودي إلى نهائي كأس العرب للشباب بعد تصدر المجموعة الأولى بالفوز على موريتانيا بهدفين مقابل لا شئ وبعدها انتصر على العراق برباعية لهدف.
• وفي الدور ربع النهائي نجح المنتخب السعودي في الفوز على المنتخب اليمني بضربات الجزاء بعد انتهاء الوقت الرسمي بالتعادل السلبي.
• وفي الدور نصف النهائي نجح المنتخب السعودي إنه يفوز على منتخب فلسطين بخماسية.

موعد مباراة مصر والسعودية في نهائي كأس العرب

• الماتش هيكون يوم الأحد الجاي 7 أغسطس 2022 الساعة 6.30 بتوقيت مصر.
• المباراة هتتلعب على أرضية ستاد مدينة الأمير سلطان بن عبدالعزيز الرياضية في مدينة أبها.