تاريخ مواجهات مصر والكاميرون وطلب مفاجئ من كيروش

نجح المنتخب المصري إنه يفوز على المغرب في دور التمانية من كاس الامم الأفريقية، واللي بتتلعب حاليًا في الكاميرون، وبقى على موعد لمواجهة صعبة مع الأسود المنتخب الكاميروني في الدور نصف النهائي.

لكن قبل مباراة الفراعنة والأسود في شوية أرقام لازم تعرفها في تاريخ مواجهات مصر والكاميرون وكمان كيروش طلب من الجهاز المعاون حاجة مفاجأة هنقولك عليها.

تاريخ ماتشات مصر والكاميرون 

• 27 مباراة سابقة في كل البطولات بين ودية ورسمية.
• المنتخب المصري فاز في 15 ماتش.
• المنتخب الكاميروني فاز في 6 ماتشات.
• مصر والكاميرون اتعادلوا في 6 ماتشات.

المواجهة الأولى والأخيرة

• المواجهة الأولى بين مصر والكاميرون كانت في 23 فبراير سنة 1983، وفاز الأسود بنتيجة 2-0 وكانت مباراة ودية.
• أما المواجهة الأخيرة بين المنتخبين، في نهائي كأس الأمم الأفريقية 2017 بالجابون، وخلصت 2/1 لصالح الأسود.

الهدف الأشهر للفراعنة

في بطولة كأس الأمم الأفريقية 2008 واللي اتعملت في غانا وفاز بيها منتخب مصر نجح الفراعنة إنهم يوصلوا للمباراة النهائية أمام الكاميرون، ونجح فيها أبو تريكة في التسجيل 

اللي حصل كان غير متوقع لأن الخطأ كان من المدافع القوي سونج واللي راح عليه محمد زيدان مهاجم مصر في صراع بدني على كرة في منطقة الجزاء وباصاها لأبو تريكة اللي ماكدبش خبر وجاب جول.

موعد مباراة مصر والكاميرون والقنوات الناقلة

الخميس اللي جاي 3 فبراير 2022 على ملعب أوليمبي في الكاميرون الساعة 9 مساءًا بتوقيت مصر.

القنوات الناقلة للمباراة

القنوات الناقلة لمباراة مصر والكاميرون شبكة قنوات بي إن سبورت، صاحبة حقوق بث إذاعة مباريات كأس الأمم الإفريقية على شاشتها، والقنوات اللي بتذيع البطول beIN Sports Max 1 و beIN Sports Max 2.

ممكن كمان تشوفها على النت من خلال بث مباشر لمواقع كتير أشهرها جول من هنا

القناة الجزائرية الأرضية المفتوحة على القمر الصناعي "نايل سات" هتذيع مباراة منتخب مصر ومنتخب الكاميرون Programme NationalHD على التردد 11680 بمعدل ترميز 27500 أفقي.

طلب كارلوس كيروش

المدير الفني للمنتخب المصري كيروش طلب من الجهاز الطبي إنه يضاعف الإجراءات الاحترازية لكل اللاعبين علشان مايحصلش ألاعيب من الكاميرون ويوقفوا أي لاعب عن لعب الماتش وكمان تكتم تام وغلق على المعسكر بالكامل منعًا لأي تسريبات لتشكيل الماتش وكل التحضيرات.