تعرف إن نابليون وهتلر سبب اختراع النوتيلا: السبب حرب!

في 5 فبراير من كل سنة العالم بيحتفل باليوم العالم للنوتيلا، ودا يوم بدأته مدونة أمريكية اسمها سارة روسو في 2007 لأنها كانت بتحب منتج النوتيلا جدًا ومن وقتها وهو يوم عالمي بيتم الاحتفال بيه.

لو متعرفش فخلينا نقولك إن النوتيلا بتتباع في أكتر من 75 دولة حوالين العالم مش بس كدا دي كمان شركة نوتيلا بتمتلك حوالي 11 مصنع وبتنتج سنويًا 365 طن، وفي علبة نوتيلا بتتباع كل ثانيتين ونص في العالم، ودا حسب المكتب الإحصائي في أمريكا ما قال.

ايه هي قصة اختراع النوتيلا؟

الحكاية بتبدأ من القرن الـ 19 وتحديدًا في سنة 1806 لما نابليون بونابرت حاول إنه يدمر التجارة البريطانية علشان يكسب في الحروب ويأثر على اقتصادهم وأخد قرار إنه يوقف استيراد الكاكاو من كل أوروبا.

الحركة دي اتسببت في ارتفاع سعر الشوكولاتة فاضطر التجار في إيطاليا إنهم يضيفوا البندق المطحون علشان يزودوا الإنتاج، وسموا المنتج الجديد Gianduia، لكن تم وقف إنتاجه بعد ما التبادل التجاري رجع من تاني.

لكن بعد حوالي 100 سنة لما ارتفعت أسعار الشوكولاتة من جديد بسبب الحرب العالمية التانية وغزو هتلر الزعيم الألماني لأوروبا قرر صانع المعجنات "بيترو فيريرو" إنه يتاجر في البندق علشان ينقذ شركته من الإفلاس في 1946 وعمل معجون Gianduja .

مكونات وصفة النوتيلا في البداية

والوصفة دي كانت ساعتها عبارة عن السكر ومسحوق البندق وقليل من الكاكاو، لكن في سنة 1951 طور ابنه "ميشيل فيريرو" وخلاها قابلة للدهن، وفي وسنة 1964 اتسمت نوتيلا".

طيب بالنسبة للشوكولاتة عمومًا عارف إيه أكتر بلد بتأكل شوكولاتة وبتاجر فيها؟، اقرأ أكتر من هنا: تعرف إيه عن تاريخ الشوكولاتة وتجارتها العالمية؟

ella وهي كلمة لاتينيّة معناها "لذيذ"، والنطق الصحيح لاسم

كلمة نوتيلا جت منين؟

كلمة نوتيلا nutella بتتكون من مقطعين الأول Nut وهي كلمة إنجليزية معناها "البندق"، والجزء التاني: ella وهي كلمة لاتينيّة معناها "لذيذ"، والنطق الصحيح لاسم المنتج "نيو تيلا" مش "نوتيلا".

نوتيلا وأزمة البندق!

طب تعرف إن نوتيلا بتستهتلك حوالي 25% من البندق اللي في العالم كله كل سنة.

النوتيلا في أمريكا غير النوتيلا في أوروبا

المكونات اللي بتستخدم في نوتيلا الأمريكية والأوروبية شبه بعض لكن مش 100% وفي بعض الفروق في المكونات زي إن أمريكي بيتم استخدام زيت النخيل وفي أوروبا زيت الخضار.

كمان من ضمن أبرز الفروقات إن النوتيلا الأمريكية بتحتوي على الكاكاو والحليب لكن النوتيلا الأوروبية بتحتوي على كاكاو دهونه قليلة، والنوتيلا الأوروبية لزوجتها أكتر وطعم الزيت مش بيظهر فيها مقارنة بالنوتيلا الأمريكية.