تعمل فرحك على ملعب برشلونة "كامب نو" بكام؟

عاوز تعمل فرح مختلف وتعزم فيه أعداد كبيرة وكمان برا مصر ويكون حاجة أسطورية؟ دلوقتي فريق برشلونة الإسباني بيقدملك قايمة أسعار إقامة حفلات الزفاف على ملعب كامب نو! الكلام دا حقيقي مش هزار اعرف تفاصيل أكتر دلوقتي.

إدارة نادي برشلونة الإسباني أخدت قرار غريب شوية الأيام اللي فاتت علشان تحسن من مواردها الداخلية للفريق الكتالوني، والسبب الرئيسي الخساير الكبيرة بسبب جائحة كورونا.

اعرف أكتر عن أكتر اللاعيبة دخلًا في العالم من هنا: أعلى 6 رياضيين دخلًا في العالم: 3 منهم بس لاعيبة كرة قدم

إقامة حفلات الزفاف على الكامب نو

صحيفة "سبورت" الكتالونية، سمحت بإقامة حفلات الزفاف على ملعب كامب نو من أجل تلقى موارد إضافية لتحسين الأوضاع على الجانب الاقتصادي.

وأشارت الصحيفة إلى أن إدارة برشلونة سمحت بإقامة حفلات الزفات داخل أرضية ملعب "كامب نو"، بتكلفة تتراوح من 1600 يورو إلى 13500 يورو.

كمل المقال واعرف الأسعار بالمصري هتكلفك كام وتفصيل أكتر عن الأعداد اللي تقدر تعزمها في فرحك.

استئجار ملعب الكامب نو 

كمان إدارة برشلونة قدمت عرض تاني زي إمك تقدر تستأجر ملعب كامب نو في الساعة الواحدة لحفل الزفاف بـ300 يورو، خلال الفترة من 6 إلي 11 يونيو الجاري على الترتيب.

برشلونة بدون بطولات!

لو ماتعرفش خلينا نقولك إن برشلونة الفريق الإسباني العريق عملاق الدوري الإسباني "الليجا" والفريق اللي له سمعة كبيرة في مشاركاته الأوروبية قدم موسم سئ مخيب للآمال.

وخرج فريق برشلونة خلال موسم 2021 – 2022 بدون أي بطولة، والإنجاز الوحيد اللي حققه هو إنه حل في المركز الثاني في جدول ترتيب الدوري الإسباني، واتأهل لبطولة دوري أبطال أوروبا في الموسم الجاي 2022-2023.

جزء من أسعار تأجير الكامب نو

• لو أنت معاك أفراد من 25 لـ 50 فرد هتدفع 1600 يورو حوالي 32 ألف جنيه مصري.
• ولو 51 لـ 100 فرد هتدفع 1900 يورو حوالي 38 ألف جنيه مصري.
• ولو عدد الأفراد من 300 لـ 1000 شخص هتدفع 13.500 يورو حوالي 270 ألف جنيه مصري.

وتقدر تعرف تفاصيل أكتر عن الأسعار من هنا