حفلات عمر خيرت في يونيو 2022 بكام وازاي تحجز؟

اعرف موعد حفلات عمر خيرت الجاية في يونيو 2022 مع فايدتي، هنقولك على الموعد بالظبط وهيكون أيام ايه وفين وبكام؟ وهنقولك كمان على أسعار كل فئات التذاكر وازاي تلحق وتحجز بسرعة.

المايسترو عمر خيرت هيستعد خلال شهر 6، يونيو 2022، لإحياء حفلين موسيقيين، بدار الأوبرا المصرية لكن المرة دي مش في المسرح الكبير، والحفل هيكون برئاسة الدكتور مجدي صابر، والحفل هيكون على خشبة مسرح النافورة الجديد.

تعرف إنك ممكن تحضر حفلات عمر خيرت بالتقسيط؟ اعرف معلومات أكتر من هنا: دلوقتي تقدر تحضر حفلات عمر خيرت في الأوبرا بالتقسيط

موعد وأسعار تذاكر حفلات عمر خيرت

خلال الحفلتين الجايين للمايسترو عمر خيرت هيكون متاح 5 فئات لأسعار التذاكر بدار الأوبرا في يونيو الجاي.

الحفلين هيكونوا أيام 13 و14 يونيو الجاي 2022، وطرحت إدارة دار الأوبرا المصرية التذاكر للجمهور على 5 فئات ودي الأسعار:

• الفئة الأولى بمبلغ 960 جنيه.
• الفئة الثانية بمبلغ 760 جنيه.
• الفئة الثالثة بمبلغ 560 جنيه.
• الفئة الرابعة بمبلغ 410 جنيه.
• الفئة الخامسة والأخيرة بمبلغ 260 جنيه.

اعرف أكتر عن حفلات يونيو 2022 من هنا: أسعار حفلات ساقية الصاوي يونيو 2022: مُسلم وسيمون والهلباوي

التذاكر بدأت تخلص

وفي أقل من 24 ساعة خلص عدد كبير من تذاكر حفلتين عمر خيرت اللي طرحتهم دار الأوبرا على الموقع الإلكتروني الخاص بتذاكر حفلات وفعاليات دار الأوبرا المختلفة.

فكرت قبل كدا حفلات المايسترو عمر خيرت بتكسب كام؟ اعرف أكتر من هنا: التذكرة بـ 960 جنيه: تفتكر حفلات عمر خيرت بتكسب كام؟

اخر حفلات الموسيقار عمر خيرت

لو ماتعرفش خلينا نقولك إن الموسيقار عمر خيرت أحيا في شهر مايو حفلتين تحديدًا أيام 15 و16 مايو على المسرح الكبير في دار الأوبرا المصرية.

وكمان في يوم 20 مايو اللي فات أحيا عمر خيرت حفل موسيقى على خشبة المسرح المكشوف في مركز القاهرة الدولي للمؤتمرات في مدينة نصر.

تقدر تحجز مكانك في حفلة عمر خيرت من هنا