رامز جلال هيعمل برنامج مقالب في رمضان 2022؟

رامز جلال نجم برامج المقالب هيعمل برنامج جديد السنة دي في رمضان 2022؟ من أكتر الأسئلة اللي ناس كتير محتاجة تعرف إجابتها خاصة إن برنامجه بقى أساسي في كل رمضان.

فاضل أقل من شهر على بداية شهر رمضان 2022، والسباق الرمضاني بين المسلسلات والبرامج وغيرها، والمشاهدين اتعودوا كل سنة على انتظار برنامج رامز جلال الخاص بالمقالب.

ومن المعروف إن برامج رامز جلال في المقالب بيشوفها الملايين على الرغم من كل الانتقادات اللي بتتوجه ليها كل سنة.

رامز جلال هيعمل برنامج مقال في رمضان 2022؟

الفنان المصري رامز جلال قال في لقاء له مع برنامج "ET بالعربي" إنه هيشارك ببرنامج للمقالب في رمضان 2022 لطن قال بالظبط الكلام دا: "عندنا مقلب صغير أتمنى يعجب الناس".

اعرف أكتر ايه هي مسلسلات رمضان 2022 من هنا: اعرف قايمة مسلسلات رمضان 2022 وأبطالها

أمنية رامز جلال في المقالب

للمرة التانية قال رامز جلال إنه نفسه يكون من ضمن ضحايا البرنامج الفنان محمد عبده فنان العرب.

وقال التصريحات دي أثناء حصوله على تكريم من حفل توزيع جوائز joy awards في الرياض بالمملكة العربية السعودية.

تجربة رامز

لو ماتعرفش خلينا نقولك إن رامز جلال حاليًا بيشارك بلعبة تفاعلية في موسم الرياض اسمها تجربة رامز ودي عبارة عن لعبة عربية تفاعلية فكرتها جت من برامج المقالب.

11 برنامج مقالب لرامز جلال

تعالى نفتكر سوا برامج المقالب اللي عملها رامز جلال السنين اللي فاتت وعملت ضجة كبيرة جدًا وبقى شئ أساسي إن كل رمضان يكون في برنامج مقال خاص بيه:

• رامز قلب الأسد.
• رامز عنخ آمون.
• رامز ثعلب الصحراء.
• رامز تحت الصفر.
• رامز عقله طار.
• رامز بيلعب بالنار.
• رامز تحت الأرض.
• رامز قرش البحر.
• رامز في الشلال.
• رامز مجنون رسمي.
• رامز واكل الجو.

اعرف أكتر عن إمساكية رمضان من هنا: إمساكية رمضان 2022: مواعيد الإفطار وعدد ساعات الصيام