سعر تذاكر حفلة مروان بابلو وحكاية الـ "بينك سيركل"

حفلة مروان بابلو الجاية هتكون في الإسكندرية يوم 18 مارس الجاي في نادي الإتحاد السكندري، هنقولك على أسعار التذاكر وايه المختلف في الحفلة المرة دي عن كل مرة ومن المتوقع إن عدد الجمهور يوصل لـ 15 ألف، وكمان عنده حفلة في موسم الرياض في السعودية هنقولك على كل تفاصيلها.

اعرف أكتر عن الحفلات والعروض الفنية في مارس 2022 من هنا: حفلات وعروض فنية في مارس 2022 وأسعار التذاكر

مين هو مروان بابلو؟

مروان بابلو اسمه الحقيقي مروان أحمد مطاوع، 27 سنة، واسمه الحركي قبل كدا كان "داما" لكن حاليًا "بابلو"، وهو مغني راب وكاتب أغاني ومنتج تسجيلات مصري من مدينة الإسكندرية.

أشهر أغاني مروان بابلو اللي عملتله شعبية كبيرة: فري وغابة والجميزة وسندباد.

مروان بابلو في موسم الرياض

مروان بابلو وعفرتو وويجز هيشاركوا في موسم الرياض في السعودية يوم الاتنين الجاي 14 مارس، الساعة 8 مساءًا لأول مرة على مسرح أبو بكر سالم، والدخول للحضور للفئة العمرية الأكبر من 12 سنة.

سعر تذاكر حفلة مروان بابلو في موسم الرياض
 

• الفئة  C: 115 ريال سعودي، حوالي 481 جنيه مصري.
• الفئة B: 175 ريال سعودي، حوالي 732 جنيه مصري.
• التذكرة "الذهبية": 290 ريال سعودي، حوالي 1.214 جنيه مصري.
• تذكرة الـ VIP : 1.150 ريال سعودي، حوالي 4.814 جنيه مصري.

سعر تذاكر حفلة مروان بابلو في الإسكندرية

• سعر التذاكر بين 300 جنية للعادي، و500 جنية للتذكرة الأعلى.
• من التعليمات المهمة في حفلة مروان بابلو أهمية شراء تذكرة كاملة للأطفال بداية من 12 سنة.
• مش مسموح دخول الأطفال أقل من 12 سنة.

تقدر تحجز تذكرة حفلة مروان بابلو في إسكندرية من هنا

بربري لـ مروان بابلو

اخر أعمال مروان بابلو تراك بربري واللي قرب على تحقيق 4 مليون مشاهدة على يوتيوب بمجرد ما نزل على القناة الرسمية لمروان.

الجديد في حفلة مروان بابلو في إسكندرية

منظمو حفلة مروان بابلو عملوا طريقة جديدة لتنظيم وقوف الجمهور في حفله عبر تخصيص مكان للبنات فقط تحت مسمى "بينك سيركل" " pink circle ".

وهتكون المنطقة محمية ومنفصلة عن باقي الجمهور العام، علشان توفر مساحة آمنة ومنعزلة لجمهوره من الفتيات والسيدات، في تجربة تحدث لأول مرة في مجال الحفلات الغنائية في مصر.

دايرة البنات دي هتكون موجودة في كل تصنيف من تصنيفات الجمهور التلاتة بين الفئة العامة "البابليك" وحتى الفئة الخاصة "في آي بي"، علشان يحصل توفير لأعلى مستوى من التنظيم والراحة.

كمان هيكون في فريق موجود مهمته مكافحة التحرش، وهيتم توفير أبراج مراقبة في ساحة الجمهور لمتابعة الحفل والتواصل مع الجمهور.