سيناريو المكسب والخسارة في مباراة مصر والكاميرون

موعد مباراة مصر والكاميرون، النهاردة الخميس 3 فبراير 2022، الساعة 9 بالليل في نصف نهائي كاس الامم الافريقية، واللي هيدير الماتش الحكم الجامبي بكاري جاساما، وهنقولك شوية معلومات عن تشكيل الفراعنة والأسود وسيناريو المكسب والخسارة لمصر.

أرقام بكاري جاساما مع منتخب مصر

• حكم 6 ماتشات للفراعنة في كل المنافسات.
• المنتخب المصري كسب في 3 ماتشات واتعادل مرة وخسر مرتين.
• جاساما أشهر 8 كروت صفراء للاعبي منتخب مصر.
• لكن جاساما ماطردش حد من الفراعنة في أي مباراة.

من أشهر المباريات التحكيمية لجاساما

مباراة مصر والكونغو في تصفيات كأس العالم 2018 واللي اتلعبت في أكتوبر 2017، وساعاتها مصر كسبت المباراة بنتيجة 2-1 في اللحظات الأخيرة بعد ما حسب ضربة جزاء وسجلها محمد صلاح وصعد الفراعنة لكاس العالم للمرة التالتة في التاريخ والأولى من مونديال 1990.

التشكيل المتوقع للفراعنة في مباراة مصر والكاميرون

محمد أبو جبل - أحمد فتوح - محمد عبد المنعم – محمود الونش – عمر كمال -محمد النني -عمرو السولية – حمدي فتحي - محمد صلاح – عمر مرموش – مصطفي محمد.
 

تشكيل الأسود المتوقع في مباراة مصر والكاميرون
 

حراسة المرمى: أندريه أونانا.

خط الدفاع: نوهو تولو، مايكل نجاديو، أونجيني، كولينز فاي.

خط الوسط: أندريه زامبو أنجيسا، بيري كوندي، نيكولاس نجاماليو، صامويل أوم جويت.

خط الهجوم: كارل توكو إيكامبي، فينسنت أبوبكر.

اعرف أكتر: تاريخ مواجهات مصر والكاميرون وطلب مفاجئ من كيروش

سيناريو المكسب والخسارة في مباراة مصر والكاميرون

لو مصر كسبت الكاميرون النهاردة في نص نهائي كاس الامم الافريقية، هيروحوا للنهائي ويلاعبوا السنغال يوم الأحد الجاي 6 فبراير.

لكن لو مصر خسرت في مباراة مصر والكاميرون النهاردة هيلعبوا مع بوركينا فاسو على تحديد المركز التالت يوم السبت الجاي 5 فبراير.

خلينا نقولك إن امبارح، الأربعاء، السنغال فازت على بوركينا فاسو3-1، وساديو مانيه جاب جون في الدقيقة 87.

ايتو وكيروش قالوا ايه عن مباراة مصر والكاميرون؟

النجم الكاميروني صامويل ايتو كان وجه للاعبي منتخب بلاده، بعد ماتش جامبيا، إن الماتش الجاي زي الحرب، ورد مدرب منتخب مصر البرتغالي كارلوس كيروش على تصريحات ايتو وقال: كرة القدم مش حرب.

كيروش قال إنه مضايق من تصريحات ايتو لأنه شايف إن كرة القدم متعة وسعادة مش حرب خالص، والحرب الحقيقة هي حماية الناس اللي بتموت على البوابات.

بمناسبة كلامنا عن ماتشات مصر المهمة ماتنساش إن مصر هتلاعب السنغال في ماتش قوي جدًا الكسبان هيصعد كاس العالم علطول اعرف أكتر من هنا: تاريخ مواجهات مصر والسنغال: اتقابلوا 13 مرة

قبل مباراة مصر والسنغال.. الأرقام في صالح مين؟