سيناريو مكسب وخسارة الأهلي أمام الهلال في مونديال الأندية

الأهلي هيلاعب الهلال السعودي، السبت 12 فبراير، الساعة 3 العصر، على المركز التالت في كأس العالم للأندية واللي بيتلعب حاليًا في الإمارات، ودا بعد ما خسر الأهلي قدام بالميراس البرازيلي 2-0 وكمان الهلال خسر من تشيلسي الإنجليزي 1-0.

الأهلي لو كسب ايه السيناريو اللي هيحصل ولو خسر ايه المتوقع دا اللي هتعرفه دلوقتي.

كمان تقدر تعرف أكتر معلومات عن نتايج ماتشات الأهلي والهلال والأندية السعودية عمومًا من هنا: تاريخ الأهلي مع الهلال والأندية السعودية في 18 ماتش

مشوار الأهلي والهلال في مونديال الأندية الحالي 

• الهلال السعودي كسب الجزيرة الإماراتي 6/1، وبعدها خسر قدام تشيلسي الإنجليزي بهدف دون رد في المباراة.
• النادي الأهلي كسب مونتيري المكسيكي 1/0، وبعدها خسر من بالميراس البرازيلي 2/0.

سيناريو مكسب وخسارة الأهلي أمام الهلال

الأهلي لو كسب الهلال السعودي يوم السبت هيكون بكدا حقق أرقام قياسية لأنه وقتها هيكون كسب برونزية مونديال كأس العالم للأندية 3 مرات في تاريخه، وأكتر نادي في العالم يحقق الميدالية البرونزية وهيكون اتخطى مونتيرى المكسيكي اللي بيتساوى معاه بتحقيق ميداليتين برونزيتين.

بعد ما الأهلي يكسب الهلال السعودي هيكون معاه 3 ميداليات في بطولة كأس العالم للأندية، ودا هيخليه تالت أكتر الأندية تحقيقًا للمياليات بعد ريال مدريد وبرشلونة اللي حققوا 4 ميداليات في البطولة.

"ريال مدريد حقق 4 ذهبيات، وحقق البارسا 3 ذهبيات وفضية".

ماتنساش إن مصر ليها ماتشات مهمة في مارس في التصفيات المؤهلة لكأس العالم، اعرف أكتر من هنا: تاريخ مواجهات مصر والسنغال: اتقابلوا 14 مرة

العائد المادي في المكسب والخسارة

• لو الأهلي كسب الهلال هيحقق الميدالية البرونزية في كأس العالم للأندية للمرة التالتة وهيحصل على 2.5 مليون دولار.
• لو الأهلي خسر من الهلال هيكون صاحب المركز الرابع في مونديال الأندية وهيكسب 2 مليون دولار.

كام مرة الفرقتين كسبوا برونزية مونديال الأندية؟

• الأهلي وصل للدور نصف النهائي في مونديال الأندية 3 مرات قبل كدا في نسخ 2006 و2012 و2020، وحقق البرونزية مرتين في 2006 و 2020.
• الهلال السعودي وصل لنفس الدور مرتين 2019 و2021"الحالية" ومانجحش إنه يحقق البرونزية في المرتين، ولو حققها المرة دي هتكون أول مرة في تاريخه.