فواتير الكهرباء هتزيد في يوليو: اعرف الأسعار الجديدة

زيادة أسعار الكهرباء في يوليو، من الحاجات اللي ناس كتير بتدور عليها حاليًا واحنا في شهر مايو 2022، فايدتي هتقولك تفاصيل أكتر عن زيادة في فواتير الكهرباء على شراح الاستهلاك المنزلي بنسبة تصل إلى 21%.

زيادة أسعار الكهرباء دي هتكون من بداية السنة المالية الجديدة 2022/2023 واللي هتبدأ في 1 يوليو الجاي علطول، والحكومة المصرية عندها خطة في تعديل شرائح الاستهلاك لغاية سنة 2025.

شوة نصايح علشان تعدل في فاتورة الكهرباء اعرفها من هنا: ازاى توفر في فاتورة الكهرباء؟

زيادة أسعار الكهرباء في المحلات التجارية

خلينا نقولك كمان إن هيكون في زيادة في أسعار الكهرباء 2022 بالنسبة للمحلات التجارية بس هتكون زيادة قليلة علشان هيرتفع المعدل على النطاق 0-250 كيلووات ساعة بنسبة 2.5% إلى 123 قرش لكل كيلووات ساعة.

في حين إن كل الشرائح التانية هتفضل عند نفس المعدلات الحالية خلال العام المالي المقبل.

الدعم اترفع عن مين في الكهرباء؟

تم رفع الدعم بالكامل للأسر اللي بتستهلك أكتر من 650 كيلووات ساعة في الشهر في العام المالي 2021/2020.

احسب فاتورتك الشهرية من هنا: حاسبة فواتير الكهرباء الشهرية

الأسعار الجديدة للكهرباء 2022

شريحة الاستهلاك من 0-50 كيلووات ساعة شهريًا 

هتدفع 58 قرش لكل كيلووات ساعة، بزيادة 21%، وهتدفع الأسر في الشريحة دي ما يصل إلى 29 جنيه في الشهر.

شريحة الاستهلاك من 51-100 كيلووات ساعة شهريًا

هتدفع 68 قرش لكل كيلووات ساعة، بزيادة 17%، وهتدفع الأسر في الشريحة دي لغاية 63 جنيه في الشهر.

شريحة الاستهلاك من 101-200 كيلووات ساعة شهريا

هتدفع 83 قرش لكل كيلووات ساعة، بزيادة 8%، وهتدفع الأسر في الشريحة دي ما يصل إلى 146 جنيه شهريًا.

شريحة الاستهلاك من 201-350 كيلووات ساعة شهريا

هتدفع 111 قرش لكل كيلووات ساعة، بزيادة 5%، وهتدفع الأسر في الشريحة دي ما يصل إلى 312.5 جنيه شهريا.

شريحة الاستهلاك من 351-650 كيلووات ساعة شهريا

هتدفع 131 قرش لكل كيلووات ساعة، بزيادة 2%، وهتدفع الأسر في الشريحة دي ما يصل إلى 771 جنيها شهريا.

فئات غير مدعمة في الاستهلاك المنزلي

في بعض الفئات في الاستهلاك المنزلي غير مدعمة هتشهد ارتفاع في الأسعار، وهما اللي بيستهلكوا ما بين 651-999 كيلووات ساعة شهريًا:

 هيتم محاسباتهم بسعر ثابت وهو 136 قرش لكل كيلووات ساعة، ارتفاعا من 128 قرشًا حاليًا.

هتدفع الأسر اللي بتخضع للشريحة دي ما يصل إلى 1359 جنيه شهريًا، ارتفاعا من 1279 جنيها خلال العام المالي الحالي. 

لكن الشريحة المستهلكة لأكثر من 1000 كيلووات ساعة شهريا سيستمر محاسبتها بسعر 145 قرشا لكل كيلووات ساعة.

تعديل مستمر على مدار 3 سنين

زيادة أسعار الكهرباء قرار حكوي مستمر، وهيكون في تعديل لأسعار شرائح الاستهلاك على مدى 3 سنين جاية وفق جدول زمني جديد وضعته وزارة الكهرباء في عام 2019.