كوكسال بابا أخد كام علشان يصور في قصر الكبابجي؟
تاريخ النشر: 02 مارس 2022 طرائف وعجائب
كوكسال بابا لما مشي من المكان كان في أعداد كبيرة حواليه وكان حريص إنه يودعهم
البلوجر التركي المشهور كوكسال بابا، المعروف بعصبيته في كل المواقف وكمان تعبيراته وضحكته، وصل مصر في الأيام اللي فاتت ووجوده عمل ضجة كبيرة خاصة بعد ظهوره في مطعم مشويات قصر الكبابجي.
ضجة كبيرة سببتها زيارة كوكسال بابا لمصر، والمتابعين اتفاعلوا بشكل كبير وكمان كوكسال بابا اتصدر التريند كالعادة من لحظة وصوله الفندق المقيم فيه وكل تحركاته وسط التجمهر الكبير.
بمناسبة كلامنا عن البلوجر التركي كوكسال بابا ومشاهير تركيا اعرف أكتر عن الشيف بوراك من هنا: أرخص وأغلى الاكلات في مطعم الشيف التركي بوراك بدبي!
انتقادات كتير لـ كوكسال بابا
بس تواجد كوكسال بابا في مصر قابله انتقادات كتيرة بسب تصرفاته مع المعجبين ورفضه للتصوير والعصبية اللي كان فيها أكتر من مرة بشكل كبير بس اللي بيتابع كوسكال دا هو الوضع الطبيعي وعصبيته دي أحد أسباب شهرته وبيتعامل مع الكل كدجا جوا وبرا مصر
عشان كدا كان في متابعين دافعوا عنه، ومعجبين كوكسال بابا حضروله استقبال كبير ودخل مطعم قصر الكبابجي في التجمع الخامس بحراسة مشددة، لكن رغم السفرية دي والأكل الكتير عصبيته كانت طاغية على الأجواء، وكمان كان فيه فقرة ترفيهية مع لاعب خفة اليد كريس المصري.
كوكسال بابا ما أخدش فلوس!
كوكسال بابا أخد كام علشان يعمل دعاية لقصر الكبابجي؟
أخبار كتير اتكتبت خلال الفترة اللي فاتت عن الفلوس اللي حصل عليها كوكسال بابا مقابل إنه يعمل إعلان لقصر الكبابجي، وخرج محمد الباز واحد من ملاك المطعم علشان يوضح الأمور للصحافة.
وقال الباز إن كوكسال بابا ما أخدش فلوس خالص الفكرة كلها إنه كان عامل رحلة سياحية في مصر، ومديرة أعماله تواصلت مع المطعم علشان بيدوروا على مطاعم كويسة تكون واجهة للبلد.
وبالفعل مديرة أعمال كوكسال بابا تواصلت مع قصر الكبابجي وتم التنسيق على أساس إن المطعم مشهور وبيجي فيه الفنانين والنجوم.
اللحمة بالدهب عيار 24 في مطعم الشيف نصرت التركي!
كوكسال بابا ودع المعجبين
كوكسال بابا لما مشي من المكان كان في أعداد كبيرة حواليه وكان حريص إنه يودعهم ونزل بوست على إنستجرام قال فيه إنه بيحب مصر، وكان حريص تاني يوم يروح الأهرامات.
تقدر تشوف الفيديو دا علشان تعرف تفاصيل أكتر عن زيارة كوكسال بابا لمصر من هنا
