لو امبر هيرد ما دفعتش التعويض لجوني ديب ايه اللي هيحصل؟

محاكمة امبر هيرد وجوني ديب اللي اهتم بيها العالم كله واستمرت لمدة 6 أسابيع في محاكمة التشهير بين نجوم هوليود، واللي استمع فيها المحلفين لأكتر من 100 ساعة من الشهادات، واللي انتهت بحكم لصالح جوني ديب.

وحكمن هيئة المحلفين لصالح نجم هوليود جوني ديب بـ 10 ملايين دولار تعويضًا عن الضرر و5 ملايين تعويضات عقابية، وفي المقابل تم منح هيرد حكم بتعويض 2 مليون دولار تعويضًا عن الأضرار لكن بدون أي تعويضات عقابية لصالحها.  

لكن السؤال هل أمبر هيرد هتقدر تدفع مبلغ التعويض لجوني ديب؟ طب لو ما دفعتش ايه اللي ممكن يحصل دا اللي هتعرفه دلوقتي.

اقرأ كمان: بعد ما جوني كسب القضية: 7 طرق أمبر تجيب منها فلوس التعويض

تخفيض التعويض العقابي

لو ما تعرفش خلينا نقولك إنه تم تخفيض التعويض العقابي من 5 ملايين إلى 350 ألف دولار فقط، كون ذلك هو التعويض العقابي الأقصى الذي يسمح به قانون ولاية فيرجينيا.

يعني أمبر هيرد مُلزمة تدفع لزوجها السابق جوني ديب 10.35 ملايين دولار، لكن أمبر هيرد قدرتها المادية ماتسمحش إنها تدفع، وما بتملكش المبلغ المطلوب منها، وإجمالي ثروة أمبر هيرد حاليًا بين 1.5 و2.5 مليون دولار.

أمبر هيرد هتدفع التعويض لجوني ديب ازاي؟

• مفيش سجن للمديونين لكن هيكون جوني ديب في الحالة دي ما قداموش إلا ملاحقة أمبر هيرد بكل طريقة ممكنة علشان يحصل على أمواله.
• من الحلول اللي قدام جوني ديب إنه يصادر أجر أمبر عن أفلامها اللي جاية.
• الحل التاني حل انتقامي وهو الحجز على أصول ممتلكات أمبر هيرد.
• الاستيلاء على منزلها في كاليفورنيا وأي ممتلكات أخرى لديها من مجوهرات أو مركبات أو عقارات أو مجموعات فنية.
• بيع كل شيء يخصها في مزاد بهدف سداد مديونيتها، فإذا لم يكتمل المبلغ يُمكن تمديد الحُكم لمدة قد تبلغ 30 عاما يظل خلالها ديب يجمع الأموال لحين اكتمالها.

أمبر هيرد ممكن تشهر إفلاسها

من السيناريوهات المتوقعة إن أمبر هيرد تُشهر إفلاسها وتثبت كدا، وفي الحالة دي هتسقط عنها مديونية 10 ملايين دولار، في حين يظل عليها سداد مبلغ 350 ألف دولار قيمة التعويضات العقابية.

حل أخير نهائي

أما الحل الأخير النهائي اللي يخرج أمبر هيرد من الورطة دي هو تناول جوني ديب نفسه عن المبلغ وحقه المادي ويكتفي بس بالفوز المعنوي قدام العالم كله.

هل جوني ديب ممكن يتنازل عن التعويض؟

بالفعل اتكلم حد محامين الممثل الأمريكي جوني ديب وقال إن جوني ديب ممكن مايحصلش على مبلغ التعويض من أمبر هيرد وربما يتنازل فعلًا عن التعويض ويكتفي بالفوز الكلي المعنوي.