ماتش مصر والسنغال: الموعد والقنوات الناقلة والمعلقين

ماتش مصر والسنغال في التصفيات المؤهلة لكأس العالم 2022 في قطر، هنقولك على موعد ماتش مصر والسنغال والقنوات الناقلة والمعلقين وكمان التشكيل المتوقع يخوض المباراة.

المنتخب المصري على موعد مع التاريخ بكرة الجمعة 25 مارس 2022 لما هيقابل المنتخب السنغالي علشان يثأر منه بعد الخسارة أمامه في نهائي كأس الأمم الأفريقية، وينتصر عليه علشان يصعد لمونديال قطر.

اعرف أكتر عن تاريخ مواجهات ماتش مصر والسنغال من هنا: تاريخ مواجهات مصر والسنغال: اتقابلوا 14 مرة

موعد ماتش مصر والسنغال

زي ما قولنالك الفراعنة بيسعوا لتعويض خسارتهم كأس أمم أفريقيا بركلات الترجيح قدام أسود التيرانجا،و رفاق محمد صلاح عاوزين يحققوا الفوز في مجموع المباراتين ويتأهلوا للمونديال ويكتبوا التاريخ.

موعد ماتش مصر والسنغال في تصفيات كأس العالم 2022 هو يوم الجمعة 25 مارس.

مواجهة المنتخب المصري بالمنتخب السنغال هتنطلق بكرة الجمعة على استاد القاهرة الدولي الساعة 9.30 مساءًا، والجهات المختصة أعلنت عن نفاذ تذاكر حضور ماتش مصر والسنغال واللي الحضور الجماهيري فيه هيتخطى 50 ألف مشجع. 

القنوات الناقلة لماتش مصر والسنغال

وهيتم نقل البث المباشر لماتش مصر والسنغال على شاشة قناة أون تايم سبورت بترددها الأرضي والفضائي "1،2"، وكمان هيكون موجود استديو تحليلي مميز وفقرات تحكيمية ومراسلين من الملعب.

قناة بي إن سبورت بريمير هي كمان هتذيع ماتش مصر والسنغال.

السؤال دا جه في بالك؟ هنقولك اللايحة بتقول ايه اعرف أكتر من هنا: مباراة مصر والسنغال: مين يتأهل للمونديال في حالة التعادل؟

معلقين ماتش مصر والسنغال "on sport 1 – 2"

• مدحت شلبي هيعلق على ماتش مصر والسنغال  على القناة الصوتية الأولى- أون تايم سبورتس 1.
• بلال علام هيعلق على ماتش مصر والسنغال على الصوتية الثانية- أون تايم سبورتس 1.
• أيمن الكاشف هيعلق على ماتش مصر والسنغال على الصوتية الأولى- أون تايم سبورتس 2.

محمد الكواليني هيعلق على ماتش مصر والسنغال على الصوتية الثانية- أون تايم سبورتس 2.

التشكيل المتوقع لماتش مصر والسنغال

من المتوقع إن كارلوس كيروش، المدير الفني للفراعنة، يعتمد في تشكيلة ماتش مصر والسنغال على العناصر دي:

• محمد الشناوي في حراسة المرمى.
• رباعي دفاعي: محمود حمدي الونش ومحمد عبدالمنعم وأحمد فتوح وعمر كمال عبدالواحد.
• مركز وسط الملعب محمد النني وعمرو السولية و حمدي فتحي.
• الهجوم: محمد صلاح - محمود حسن تريزيجيه "عمر مرموش" - مصطفى محمد.

ماتش مصر والسنغال العودة

وماتش مصر والسنغال في العودة هيكون يوم 29 مارس 2022 ولو المنتخب المصري حقق انتصار كويس في ماتش الذهاب في استاد القاهرة هيلعب ماتش العودة مستريح أكتر.