مايوهات هادية غالب بكام في 2022 وليه غالية؟

مايوهات هادية غالب بكام السنة دي 2022؟ مع بداية فصل الصيف بتحصل الخناقة بتاعة كل سنة ليه في مايوهات معينة بتكون غالية أوي، وخاصة أشهر براند هو مايوه هادية غالب حاليًا اللي قدمت مايوه بوركيني مناسب لسيدات كتير.

خناقة كل صيف ليه مايوهات هادية غالب غالية؟ فايدتي هتقولك وهتعرفك كمان متوسط الأسعار مع بداية الموسم الصيفي، وازاي تقدري تشوفي الكوليكشن كله وتشتري من مكانك.

هادية غالب وتصميمات البوركيني

واحدة من أكتر الحاجات اللي لفتت نظر ناس كتير الفترة الأخيرة إن البلوجر هادية غالب قدمت أشكال مختلفة ومميزة من المايوه البوركيني بما إنه مناسب لكتير من السيدات.

أسعار مايوه هادية غالب

لكن الأسعار اللي بتبيع بها هادية غالب هي اللي كان عليها الكلام خاصة إن عندها مايوهات سعرها بيعدي الـ 3 آلاف جنيه، ومتوسط أسعار المايوهات عند هادية غالب من ألفين جنيه لحد  4 آلاف جنيه.

أسعار البوركيني العادي وبوركيني هادية 

• حسب الأسعار في الأسواق حاليًا سعر المايوه البوركيني من 200 لـ 400 جنيه.
• سعر مايوه بوركيني تصميم هادية غالية بـ 3500 جنيه كمتوسط.

ليه مايوهات هادية غالب غالية؟

واحدة من أبرز أسباب غلاء مايوهات هادية الخامة والموديل والبراند.،

ليكي إنك تعرفي كمان إن النسيج المستخدم بيكون مقاوم للكلور بحوالي 25 ضعف الأنسجة التقليدية.

لو ماتعرفيش خلينا نقولك إن في أسعار بعض الخامات بيوصل لقرابة 10 و15 ألف جنيه عمومًا في عالم المايوهات، سواء كان مايوه بكيني أو قطعة واحدة أو مايوه شرعي.

شوفي الكوليكشن

تقدري تشوفي الكوليكشن الصيفي لمايوهات البوركيني من هادية غالب وكمان تشتري أونلاين من مكانك من هنا                     

أسعار دخول شواطئ الإسكندرية من هنا: اعرف أسعار دخول شواطئ الإسكندرية لصيف 2022

اخر اخبار هادية غالب

أتوبيس تسويقي لمايوهات هادية في مراسي

وقررت مصممة الأزياء هادية غالب إنها تعمل فكرة جديدة بتسوق لها حاليًا على حساباتها الرسمية على مواقع التواصل الاجتماعي، وهي "أتوبيس هادية غالب".

الأتوبيس دا هيكون موجود في مراسي وبتدعوا من خلاله السيدات إنهم ييجوا ويجربوا بنفسهم المايوهات ويتصوروا بيها ويشاركوها على تيك توك، والأتوبيس زي كرفان كبير في منطقة لغرف الملابس وكمان في منطقة للاسترخاء وشرب القهوة.

من هي هادية غالب؟

• هادية غالب هي من أول الفاشونيستات فى مصر.
• اتخرجت هادية في مدرسة “Oasis” والجامعة الأمريكية.
• اتخصصت في مجال الاقتصاد وبعدين اشتغلت في مجلة أزياء ومنها كانت انطلاقتها كفاشونيستا.
• عدد متابعيها بيزيد يوم عن التاني على السوشيال ميديا.
• بتقدم مايوهات ألوانها غريبة ومختلفة ومميزة.
• حصلت على جائزة لتميزها في الموضة والجمال.
• وكانت اتعرضت من فترة لمضايقات كتير على السوشيال ميديا، وقالت وقتها إنها كانت بتزور طبيبها النفسي لتلقي العلاج.