معجون سنان محمد رمضان بكام؟ وهل مصنوع من الدهب؟

نشر الفنان المصري محمد رمضان فيديو وهو بيستخدم معجون أسنان من الدهب عيار 24 ومعاه فرشاة دهبية كمان، لكن يا ترى ايه هي العلامة التجارية والمنتج نفسه بكام وهل فعلًا مصنوع من الدهب، وايه هي فوايده دا اللي هتعرفه دلوقتي.

معلومات عن معجون أسنان محمد رمضان

• اسم معجون الأسنان: d’Or toothgel & toothbrush
• اسم البراند نفسه: Swiss Smile"شركة سويسرية".
• مكونات معجون الأسنان: معمول من تراب دهب 24 قيراط.
• سعره: 99 فرانك سويسري CHF يعني حوالي 1700 جنيه مصري.
• وسعره في مكان تاني بعد الخصم 140 دولار يعني حوالي 2200 جنيه مصري.
• الحجم: 75 مللي.
• مكونات معجون الأسنان: يحتوي على الدهب على شكل غبار الذهب الرائع 23.75 قيراط ويوفر حماية مثالية للتسوس، ومعاه فرشاة الأسنان المطلية بالدهب فائقة النعومة.

المنتج على الموقع تقدر تشوفه من هنا

ايه المميز في معجون الأسنان اللي من الدهب والفرشاة اللي معاه؟

هل معجون الأسنان من الدهب فعلًا؟

زي ما مكتوب في وصفه على الموقع إن معجون الأسنان بيحتوي على الدهب على شكل عبار 23.75 قيراط، ومن أهم خصائصه إنه مضاد للالتهابات وله فعالية كبيرة في العناية بالأسنان وحمايتها من التعرض للتسوس والتهاب اللثة.

المعجون برضو من ضمن تركيبه بروتين فسيولوجي يتواجد بشكل طبيعي في اللعاب ويحمي الأسنان من التسوس، فيما تحتوي فرشاة الأسنان فائقة النعومة المطلية بالذهب الفريد، على 9 أضعاف عدد الشعيرات الفردية للفرش العادية، ودا اللي بيخليها أكتر نعومة وكثافة من فرشاة الأسنان العادية.

بمناسبة فيديوهات محمد رمضان المثيرة للجدل اعرف أكتر من هنا: أزمة دولارات محمد رمضان ومقارنتها بمرتبات الموظفين!

معلومات عن شركة Swiss Smile

الشركة السويسرية بتقدم أنواع مختلفة من منتجات نظافة الفم، وبتصنف منتجاتها في فئة السعر الأعلى لأنها بتقدم حاجات مختلفة وتصاميم فاخرة زي الألماس وجزيئات الدهب في معجون الأسنان، وبتستهدفي أمريكا وأمريكا الجنوبية وروسيا وآسيا.

أسعار معجون الأسنان العادي في الأسواق

معجون أسنان Signal سيجنال: العبوة الكبيرة بـ  20 جنيه، والوسط بـ  10  جنيه والصغيرة بـ 5 جنيه.

معجون أسنان closeup  كلوس اب: العبوة الكبيرة بـ 20 جنيه، والوسط بـ  10 جنيه، والصغيرة بـ  5 جنيه.

معجون أسنان Colgate كولجيت: العبوة الكبيرة في حدود 20 – 22 جنيه.

وأغلى معجون أسنان في السوق المصري سنسو داين SENSODYNE: العبوة الكبيرة بـ 55 جنيه، والوسط بـ  30 ، والصغيرة بـ  16.