موعد وبرنامج مهرجان القلعة 2022: التذكرة بـ 20 جنيه

اعرف موعد وبرنامج مهرجان القلعة 2022 "المحكى" في دورته الـ 30، واللي سعر التذكرة فيه هتكون 20 جنيه، والمهرجان هيكون خلال الأيام الجاية في شهر أغسطس وهيستمر لمدة 15يوم متواصلين.

مهرجان القلعة للموسيقى والغناء واحد من أكتر المهرجانات اللي بيكون عليها إقبال كبير  كل سنة، والسنادى هيبقى في بنسبة كبيرة الموسيقار عمر خيرت.

تأجيل مهرجان القلعة

وزيرة الثقافة الدكتورة نيفين الكيلاني، قررت تأجيل افتتاح فعاليات مهرجان القلعة الدولي للموسيقى.
 

وكان من المقرر إنه ينطلق يوم الأحد 14 أغسطس 2022، والتأجيل هيكون لمدة 3 أيام، تضامنًا مع حادث كنيسة أبو سيفين اللي حصل يوم الأحد الصبح وأدى لوفاة 41 مواطن و12 مصاب.

وبكدا هيكون مهرجان القلعة في الفترة من الأربعاء 17 أغسطس وحتى 31 أغسطس 2022.

سعر تذاكر مهرجان القلعة المحكى بكام؟

التذكرة بـ 20 جنيه، ودا سعر تذكرة دخول القلعة، واليوم في حفلتين ورا بعض من الساعة 8 مساءًا والساعة 10 مساءًا، وممكن السعر يزيد حاجة بسيطة ويحصل تعدل بسيط في الجدول.

أحجز ازاي في مهرجان القلعة؟

أنت على موعد مع شكل جمالي مميز للقلعه وهي بتتزين وبيبقى شكلها جميل جدًا والأضواء بتخليها تحفة، ونصيحتنا ليك حاول تروح حتى وتتصور لأنها مش هتتعوض

أما بالنسبة للحجز والدفع بيكون يوم الحفل نفسه ومفيش أى حجز مسبق ، ويُفضل تروح قبل ما الحفلات اللي متوقع عليها ضغط  تبدأ ب ٤ ساعات  ع الأقل.

مين اللي بينظم مهرجان القلعة للموسيقى؟

ويتم تنظيم مهرجان القلعة للموسيقى من خلال وزارة الثقافة ممثلة فى دار الأوبرا المصرية بالتعاون مع وزارة السياحة والآثار ويشرف على برنامج المهرجان رئيس البيت الفني بالأوبرا، وتضم فعالياته 35 حفل موسيقي وغنائي.

اعرف كل حفلات أغسطس من هنا: حفلات وعروض فنية في أغسطس 2022: كاظم الساهر وعمرو دياب وعنبة

امتى موعد مهرجان القلعة 2022؟

• المهرجان هيستمر لمدة 15 يوم ورا بعض.
• مهرجان القلعة 2022 هيستمر في الفترة من الأربعاء 17/8 وحتى الأربعاء 31/8

جدول برنامج مهرجان القلعة للموسيقى والغناء 2022 بعد التعديل

الأربعاء 17/8:

• فقرة أولى: أوركسترا الأنامل الصغيرة – قيادة / راجي المقدم.
• فقرة تانية: الفنان هشام عباس وفرقته.

الخميس 18/8:

• الفقرة الأولى: فرقة كاتاك (الهند) + صوليست فرقة أوبرا القاهرة أجمل الأغاني العالمية.
• الفقرة التانية: علي الحجار وفرقته.

الجمعة19/8:

• الفقرة الأولى: فرقة الحضرة للإنشاد الصوف.
• الفقرة التانية: فريق وسط البلد.

السبت 20/8:

• فقرة أولى: نجوم الأوبرا للموسيقى العربية والفنانة مروة ناجي بمصاحبة الفرقة الموسيقية.
• فقرة تانية: الفنان مدحت صالح بمصاحبة فرقة الفنان عمرو سليم الموسيقية.

الأحد 21/8:

• فقرة أولى: فرقة الإيقاعات الشرقية بالهيئة العامة لقصور الثقافة +  الفناة نسمة عبدالعزيز وفرقتها.
• فقرة تانية: الفنان مصطفى حجاج وفرقته.

الاثنين 22/8:

• فقرة أولى: بغداد بيج باند + الفنانة مي كمال وفرقتها.
• فقرة تانية: الفنان أحمد جمال وفرقته.

الثلاثاء23/8:

• فقرة أولى: فرقة مواويل (سيد إمام، عبدالرحمن بلالة).
• فقرة تانية:الشيخ ياسيت التهامي وفرقته.

الأربعاء 24/8:

• فقرة أولى: الفنانية تانيا قسيس وفرقتها.
• فقرة تانية: الفنانة دينا الوديدي وفرقتها.

تفتكر حفلات عمر خيرت بتكسب كام؟ اعرف أكتر من هنا: التذكرة بـ 960 جنيه: تفتكر حفلات عمر خيرت بتكسب كام؟

الخميس 25/8:

• فقرة أولى: كورال أطفال وشباب مركز تنمية المواهب + أوركسترا النور والأمل.
• فقرة تانية:الفنانة نوال الزغبي وفرقتها.

الجمعة 26/8:

• فقرة أولى: الفنانة نادية مصطفى وفرقتها.
• فقرة تانية:الفنان هاني شاكل وفرقته.

السبت27/8:

• فقرة أولى:الفنانة نسمة محجوب وفرقتها.
• فقرة تانية: الفنانة حنان ماضي وفرقتها.

الأحد 28/8:

• فقرة أولى: الفنان مدحت ممدوح وفرقته.
• فقرة تانية: الفنانة لينا شاماميان وفرقتها.

الاثنين 29/8:

• فقرة أولى: الفنانة تانيا صالح وفرقتها.
• فقرة تانية:فريق بلاك تيما.

الثلاثاء 30/8:

• فقرة أولى: الفنانة نوران أبو طالب وفرقتها.
• فقرة تانية:الفنان محمد محسن وفرقته.

الأربعاء 31/8:

• فقرة أولى: مجموعة التشيللو state of harmony
• فقرة تانية:الفنان عمر خيرت.

لو حفلات عمر خيرت بتكون غالية عليك اعرف الحل من هنا: دلوقتي تقدر تحضر حفلات عمر خيرت في الأوبرا بالتقسيط