"Bibo’s Music Night": نجيب ساويرس هيلعب DJ في الزمالك

اخر اخبار رجل الأعمال المعروف نجي ساويرس، واللي خلال الفترة الجاية هيعمل كارير شيفت ويمارس هوايته المفضلة ويلعب DJ ودا بجد فعلًا، وهنقولك على تفاصيل حفلته الغنائية الجاية.

رجل الأعمال نجيب ساويرس هيخوض تجربة جديدة، ويمارس فيها هوايته الفنية يوم الأحد الجاي 19 يونيو 2022، اعرف تفاصيل المكان وسعر التذكرة.

تعرف ايه عن رجل الأعمال المصري نجيب ساويرس؟ اعرف أكتر من هنا: ليه نجيب ساويرس بيفضل الاستثمار في الدهب؟

مطعم The Museum

دا مطعم أسيوي معروف في حي الزمالك بالقاهرة، أعلن عن طريق السوشيال ميديا عن ليلة موسيقية منتظرة ومميزة، واللي هيكون بطلها المهندس نجيب ساويرس واللي هيقوم بتنظيم الأغاني وهيلعب دور الـDJ، يوم الأحد 19 يونيو الجاري.

بوستر بطله نجيب ساويرس

ونشر المكان بوستر عليه صورة المهندس نجيب ساويرس زي ما أهو واضح في الصورة، وأشار الإمكان للتاريخ والعنوان، تحت مسمى “Bibo’s Music Night”.

اقرأ كمان: حفلات وعروض فنية في يونيو 2022 وأسعار التذاكر

"ليلة لا مثيل لها"

ووضح المطعم الآسيوي في تعليقه: "حضروا أنفسكم لليلة لا مثيل لها، يوم الأحد 19 يونيو، نجيب ساويرس سيصعد على المسرح ويلعب الأغاني".

سعر تذكرة حفلة نجيب ساويرس بكام؟

على الرغم إن المكان أعلن من بدري لكن التذاكر كلها خلصت والمكان كله اتحجز بالفعل، وخلينا نقولك إن التذكرة في حدود 900 جنيه.