10 أسباب بتخلي الناس تزمرلك وأنت ماشي بالعربية

تفتكر ايه اللي ممكن يخلي حد طول ما أهو ماشي وراك بالعربية يزمرلك وبيكون متضايق منك؟ اعرف 10 حاجات غلط ممكن تكون بتعملهم وخلي بالك بعد كدا 

1- من الأسباب الشائعة جدًا اللي بتخلي الناس تزمرلك وتضايق منك إنك ماتكونش ملتزم بحارة معينة، يعني ماتجيش في شارع وتمشي في نص الطريق لأنك كدا مش  هتخلي حد يعرف يطلع منك في اليمين أو في الشمال.

2- لو هتمشي بطئ لازم تمسك يمين الطريق مش الشمال، وخليك فاكر كويس يا إما تمشي يمين أو تمشي شمال لكن ماتمشيش في النص. 

3- لما تخرج من شارع جانبي على شارع رئيسي مش صح إنك تخرج موسع "ع الواسع" المفروض تطلع في اليمين مش في الشمال، يعني هتطلع من جنب الرصيف خالص ماينفعش تروح للحارة الشمال لأن الموقف دا مش صح وخطر كمان.

4- وبرضو لو خارج على شارع رايح جاي لازم تأمن نفسك اطلع على الواسع يعني روح في اليمين مش الضيق علشان ماتضايقش اللي جاي.

5- لو الطريق بيلف لازم تفضل في حارتك طول الطريق ولازم تركز فيها وتكمل في نفس حارتك ماتنقلش مرة واحدة كدا غير لما تبص في المراية وتشوف سرعتك. 

اعرف أكتر عن تأمين السيارات من هنا: ايه هو نوع التأمين على السيارات اللى عربيتك محتاجاه؟

6- اليوتيرن قبل ما تلفه تمسك الحارة اللي جنب الرصيف الحارة الشمال بعد ما تلف لازم تكمل في نفس الحارة اللي جاي منها لكن ما ترميش على حد علشان ممكن تتخبط المفرض إنك تكمل نفس الحارة.

7- حط في اعتبارك حاجة إن بعد كل تهدية لازم تاخد سرعتك من جديد ما تفضلش ماشي بطئ وخلاص علشان ما تضايقش اللي وراك، مثلًا بعد ما تخلص الملف لازم تتحرك بنفس سرعتك، ولو هتركن لازم تدي إشار ة علشان اللي وراك يبقى فاهم دا. 

8- مش أي حاجة خارجة من شارع جانبي تقوم ترمي في الحارة اللي جنبك علشان تفاديها، ودا رد فعل طبيعي ممكن ناس كتير تعمله، لكن المفروض تبدأ تهدي لكن ماترميش على اللي جنبك ولو هتعمل كدا بص في المراية كويس جدًا.

8 أخطاء شائعة بتدمر الفتيس الاوتوماتيك وازاي تأمن نفسك؟

9- لو داخل شارع جانبي ومهدي ومدي إشارة طبيعي إنك بتحود ولازم تأمن ادخل أبطأ تمام لكن بعد ما تأمن نفسك لازم ماتمشيش بطئ وتبدأ تتحرك أسرع شوية.

10- لو قابلك أي مطب هدي السرعة بس بعد ما تعدي المطب ابدأ سرع شوية مش لازم تمشي بطئ، وكمان ما تقفش على المطب، وخليك فاكر دايمًا بعد كل تهدية لازم يكون في سرعة طالما الطريق يسمح بده.

احمي عربيتك وأمن عليها دلوقتي مع فايدتي وقارن بين أفضل عروض التأمين على السيارات