3 نماذج لرجال أعمال قدرت تحقق حلمها من المستحيل!

الناس اللي عندهم قصص نجاح مبهرة بداياتهم كانت عاملة ازاي؟ تفتكر اتولدوا وفي بقهم معلقة دهب مثلًا؟! هنحكيلكم قصة 3 من أنجح رجال الأعمال في العالم اللي طلعوا من أسر بسيطة جدًا واتعرضوا لظروف صعبة لكنهم حققوا حلمهم من المستحيل.

1-   أمانسيو أورتيجا

هو شاب اسباني بسيط بدايته كان بيشتغل في محل ملابس لغاية أما بقى صاحب أشهر أفضل الماركات العالمية في الملابس "زارا" في سنة 1975، وثروته تخطت حاجز الـ 70 مليار دولار.

والده كان بيشتغل في السكة الحديد، وأورتيجا كانت حياته بسيطة لكن اشتغل على نفسه ووفر فلوس لغاية أما أسس شركة "كونفيسونيس" ودي الحروف الأولى من اسمه معكوسة، وكانت بتصنع أرواب الحمامات وقتها.

2-   وارن بافت

بداية مشواره وهو عنده 11 سنة، وبقى من أشهر وأنجح رجال الأعمال والمستثمرين في أمريكا وتحديدًا في بورصة نيويورك، وكان من أسرة بسيطة عندهم محل بقوليات، ووالده كان سمسار صغير في سوق الأسهم.

ولما كمل 14 سنة بقى يكسب 175$ شهريًا من توزيع جورنال واشنطن بوست، واشترى أرض زراعية في نبراسكا مقابل 1200$ دولار، وفي 1956 أسس شركته الخاصة برأس مال 105 ألف دولار جمعه من أصحابه وعيلته، وشارك هو بـ 100 دولار بس، وثروته الحالية حوالي 80 مليار دولار.

شهرة بافت وصلته انه يدي نصايح ممكن تقرأ عنها من هنا، أهم 5 نصايح عن الإستثمار من رجل الأعمال وارن بافت

3-   كارلوس سليم

كمان الوطن العربي فيه قصص نجاحات كتير جدًا زي كارلوس سليم ودا رجل أعمال عربى سيطر على اقتصاد دولة أوروبية "المكسيك"، وبقى من أغنى الرجال في العالم، والحكاية بدأت لما والده اللبناني هاجر وفتح محل صغير وأنجب 6 أولاد.

كارلوس وهو عنده 8 سنين شال المسئولية من بدري بعد موت والده، ولما كبر قرر إنه يدرس الهندسة واتخرج سنة 1961، وعمل مشاريع صغيرة، وثروته وصلت لـ 40 مليون دولار وهو عنده 26 سنة.

 والبيزنس بتاعه شركة "تلميكس" مسيطر على 90% من سوق الهاتف الثابت في المكسيك، ثروته بتمثل حوالي 5% من الناتج الاقتصادي السنوي للمكسيك، علشان كدا مسيطر على الاقتصاد المكسيكي ككل، وثروته حاليًا وصلت لـ 80 مليار دولار.

فى بعض رجال الأعمال المصريين كمان حققوا المستحيل ممكن تقرأ عنهم من هنا، اليوم العالمي للرجل: قصص ملهمة لرجال بدأوا من الصفر!