5 أفكار مشاريع مربحة قدمها مسلسل "الا أنا"
تاريخ النشر: 24 ديسمبر 2020 طرائف وعجائب
حتي لو متفرجتش على المسلسل هنقولك المفيد منه.
الفن بيعتبر رسالة عشان كده بدأت تظهر أعمال فنية بتدي حلول لمشاكل منتشرة فى مجتمعنا، زي مسلسل "إلا أنا" اللي بيعرض مشكلة الستات اللي بيحتاجو يعتمدوا على نفسهم وأحيانا على أولادهم كمان. المسلسل بيدي أمل للستات حتي لو مكنش ليهم وظيفة قبل الجواز وبيقدم أكتر من فكرة مشروع صغير معظمهم مش بيحتاج تمويل.
١-مشروع كروشيه
فى حلقات "بنات موسي" بتضطر الأم ترجع لهوايتها القديمة فى صناعة الكروشيه، ومع الوقت فتحت مغزل وشغلت معاها بنات عندهم نفس الهواية. المشروع ده ممكن يناسب أي هواية فى الأعمال الفنية، خصوصا أنه مش بيحتاج لتمويل خارجي وممكن يصرف على نفسه.
٢-ورشة نحاس
البطلة فى حلقات "أمل حياتي" بتشتغل في واحدة من ورش النحاس فى شارع المعز، ودي بتعتبر من أشهر المهن اللي بتتورث من جيل لجيل فى عائلات الحي. المهم البطلة احتاجت تستقل عن الورشة اللي شغالة فيها وأجرت اتيليه صغير فى واحد من مراكز الفنون المنتشرة. الفكرة ديه ليها مميزات كتير، اهمها أنك مش هتحتاجي تعملي دعاية لشغلك لأن المكان كدا كدا بيعمل دعاية لكل المأجرين عنده.
لو عجبك واحد من مشاريع "إلا أنا" وبتفكري تفتحي مشروعك أدخلي على فايدتي عشان تلاقي افضل قرض شخصي يساعدك فى بداية.
٣-صناعة الحلويات
فى كام ست فى مصر مشهورة بطبيخها، ومميزة بأكلة معينة؟ طبعا كتير ومنهم بطلة "أمر شخصي" اللي قررت تستغل موهبتها فى عمل الحلويات وتفتح مشروعها من البيت. سبب نجاح المشروع ده هو السوشيال ميديا اللي بتعتبر المحل الإلكتروني بتاعه، وكمان أهم وسايل الدعاية للمشروع. المسلسل كمان وضح أد إيه فكرة الترويج بين المعارف مهمة وممكن تتسبب فى نجاح أي مشروع، كفاية أنها بتدي طاقة إيجابية لصاحبه.
٤-فتح مطعم
لو عندك فرصة لمشاركة اصحابك فى مشروع أساسه هويتهم ومجهودك يبقي ليه لأ، ده اللي عملوه أبطال "ضي القمر"، واحدة فيهم بتعرف تطبخ والتانية تقدر تدير مكان وتظبط الحسابات وتعمل علاقات مع الناس، وبما الاتنين عندهم الامكانيات فقرروا يفتحوا مطعم يستغلوا فيه مواهبهم. ده واحد من المشاريع اللي بتحتاج تمويل، وممكن قرض شخصي يحل الموضوع.
٥-ورشة نجارة
مصر مليانة كليات ومعاهد فنية، بتخرج كل سنة فنانين في مجالات كتير زي الرسم والديكور والتصميم الأزياء، وفي منهم كتير بيهمل موهبته زي بطلة "ربع قيراط "، اللي نسيت موهبتها فى تصميم الديكور لسنين ووقت الزنقة هي اللي سندتها لما فتحت ورشة نجارة. المشروع ده واحد من المشاريع اللي بتحتاج لمكان أدوات مخصوصة عشان ينجح، لكن برضه يعتبر مش صعب، وبتمويل بسيط من واحد من مصادر تمويل المشاريع الصغيرة هيقوم بسرعة.
لو عجبك واحد من مشاريع "إلا أنا" وبتفكري تفتحي مشروعك قدمي علي قرض شخصي دلوقتي مع فايدتي .
