5 معلومات لازم تعرفها عن تعليم السكيت للمبتدئين والأسعار

جربت تطير قبل كده؟ متفكرش كتير .. أنت مش عصفورة و لا طائر فأكيد مطيرتش قبل كده .. بس تعرف إنك ممكن تجرب إحساس الطيران لو جربت تسكيت ودلوقتي هنعرفك كل المعلومات عن تعليم السكيت للمبتدئين لو قررت تخوض التجربة هنا في بلوج فايدتي

إيه هو تعليم السكيت للمبتدئين؟ 

السكيت هي رياضة مش جديدة بدأت في الظهور سنة 1950 في أمريكا تحت مسمى رياضة ركوب الأمواج عشان كان الناس بيستعملوها على الأمواج.

وفي السبعينات بدأ تطوير عجل التزلج (السكيت) و بقى يتصنع من مواد مختلفة غير المعدن والصلصال تحديدًا اتصنع من الخشب و بدأ يتشهر تدريجيًا لغاية ما ذاع صيته.

انتشر السكيت في مصر بشكل كبير في فترة الثمانينيات و التسعينيات .. في الفترة دي كان الأشخاص غالبا بيلعبوها في النوادي و ممكن الأحياء الراقية وكانت بتقتصر على طبقات معينة.

ودلوقتي رجعت رياضة السكيت مرة تانية و بدأت تنتشر بصورة كبيرة بين الشباب و البنات. و لكن المرة دي في الشوارع بين كل طبقات المجتمع. و طبعا بتحتاج منك شجاعة كبيرة و حس مغامرة عشان تقدر تلعبها و تتلافى الإصابات اللي ممكن تحصلك لو معرفتش تلعبها بشكل صحيح..

ازاي تبدأ رحلة التزلح أو السكيت في خطوات بسيطة؟

عشان تبدأ رحلتك في تعليم السكيت للمبتدئين لازم أولا تدور على الأداة المناسبة ليك للتزلج .. و هنا لازم أقولك إن في أنواع مختلفة للتزلج بتختلف من حيث الشكل و الحجم والسعر .. في منها الرخيص وفي منها الغالي .. و دلوقتي هناخدكو في جولة نعرفكو فيها أنواع ألواح التزلج أو السكيت .

ايه هي أنواع السكيت ؟

عشان تلعب سكيت أو تزلج لازم تعرف إن في أنواع كثيرة منه . و كل نوع بيناسب شخص معين . بتندرج تحت 4 أنواع رئيسية هي : 

1- سكيت بورد Skate Board 

السكيت بورد هي ألواح للتزلج بتيجي في 3 أنواع السكيت بورد , اللونج بورد, البيني أو الكروزر هنعرفك عليهم في السطور اللي جاية:

النوع الأول : السكيت بورد ده بيكون فيها هيكل مقعر و ذيل مقوس هو بيكون مصنوع من لوح خشب مكونة من طبقات خشب القيقب و عجلات تحمل المحاور و عليه طبقة علوية خشنة تمنع الانزلاق . و يعتبر لوح بي دي ديك راستك جولد فايبر جلاس 8.125 انش من (بي دي سكيت كو) من أمتن الألواح .

النوع التاني: اللونج بورد وده بيكون أطول وأعرض من لوح التزلج العادي و قاعدة عجلاته أطول وأكبر , وهو بيسهل التعلم على المبتدئين زي نوع لونج بورد شوتس كومبليت اسورتد من سكتور 9 .

النوع الثالث: هو البيني بورد المشهور باسم كروزر و ده بيكون لوح تزلج خفيف مصنوع من السيلكون عشان يكون مناسب للتنقلات العادية و بتكون حركته سريعة جدا وهو بيناسب تعليم السكيت للمبتدئين جدا لكنها ايضا سهل تتكسر و ده بيشكل خطورة على المستخدم .

ممكن تشوف الفيديو ده هيعرفك أكثر عن الفرق بين أنواع السكيت 

أسعار السكيت بورد في مصر 2022

 
أسعار السكيت بورد على جوميا 
أسعار السكيت بورد على أمازون 
أسعار السكيت بورد على نون 
أسعار السكيت بورد في التوحيد و النور 

أسعار السكيت بورد المستعمل 

معلومة عالماشي

لو أنت لسة مبتديء في لعب السكيت و قررت تستخدم سكيت بورد يبقى الأفضل ليك إنك تستخدم السكيت بورد الأصلي المكون من سبع طبقات من الخشب مش المكون من  3 بس لأنك في البداية هتقع كتير و لو اللوح اللي معاك مش أصلي هيتكسر علاطول، و هيعرضك للإصابات.

2- الهوفر بورد hover Board

الهوفر بورد وهو معروف باسم الاسكوتر الكهربائي, وهو بردو بيستخدم في السكيت).

هو عبارة عن لوح كهربائي بعجلات كبيرة على الجانبين و بتتراوح مقاساته بين 6.5 و 8 و 10 بوصة وتُعتبر المقاسات الصغيرة هي الأنسب في تعليم السكيت للمبتدئين.

وزن الهوفر بورد مهم جدا لأنك غالبا هتشيله. فمن الأفضل إنك تختار وزن خفيف و كمان تختار العجلات المناسبة لطبيعة الطرق اللي هتلعب عليها .

في أنواع بتناسب الطرق المستوية وفي انواع تانية مناسبة للطرق الوعرة و هي بتكون اغلى في الثمن.

و غير كده في الهوفر بورد الذكي اللي بيكون مزود ببلوتوث و سماعات عشان لو حابب تشغل موسيقى و كمان بيكون مزود ب GPS عشان تقدر تتابع مكانه و تحميه من السرقة و كمان بيجي بألوان متعددة .

أسعار الهوفر بورد في مصر ٢٠٢٢

سعر الهوفر بورد الذكي على جوميا 
سعر الهوفر بورد الذكي على آمازون  
سعر الهوفر بورد المستعمل 

السكوتر الكهربائي Electric scooter

هو واحد من أدوات تعليم السكيت للمبتدئين اللي بيوفر لمستخدمه متعة كبيرة جدا و هو عباره عن بورد تزلج مزود بمقبض تمسك فيه, فبتحس وأنت راكبه إنك طاير

مميزات السكوتر الكهربائي

 
هو منتج صديق للبيئة ملوش أي انبعاثات أو تلوث حتى على المستوى السمعي (ضوضاء)

لو هتستخدمه كوسيلة تنقل فهو هيخفف الزحام المروري بشكل أو بآخر لكن لازم تتوخى الحذر لو قررت تمشي بين العربيات أو في المدن المزدحمة.

بيقدر يقطع مسافة 20 ميل في الساعة و يتحمل وزن راكب حتى 120 كيلو جرام.

في منه أنواع مختلفة تناسب كل الأعمار. 
و طبعا بيوفر استخدام الوقود

.

أسعار السكوتر الكهربائي في مصر 2022

 
بتختلف أسعار السكوتر الكهربائي حسب الماركة والحجم

سكوتر كهربائي من مرسيدس ب 3500 جنية لفترة محدودة 

اسعار سكوتر كهربائي من امازون 
اسعار سكوتر كهربائي من جوميا 
اسعار سكوتر كهربائي مستعمل

بمناسبة كلامنا عن الاسكوتر اعرف كمان: مين أوفر عجلة كايرو بايك ولا اسكوتر رابيتRabbit؟

skateroller سكيت رولر

 
  سكيت رولر أو المشهور باسم الباتيناج أو كوتشي بعجل هو أداة من أدوات التزلج وهو عبارة عن حذاء موجود فيه عجل بيتلبس في الرجل عشان تتزحلق بيه و يُعتبر من أفضل وسائل تعليم السكيت للمبتدئين.

في منه أنواع كتير أوي منها الرخيص ومنها الغالي

أسعار الباتيناج في مصر ٢٠٢٢

أسعارها بتترواح بين 250 جنية إلى 1350 جنية 

اسعار الباتيناج في امازون 
اسعار الباتيناج في جوميا 
اسعار الباتيناج في التوحيد والنور 
  اسعار الباتيناج المستعمل

تأجير السكيت ؟

لو قررت تلعب سكيت للمبتدئين مش لازم تشتري سكيت عشان تلعب ممكن تأجرها و غالبا هتكون الانواع المتاحة للإيجار هي الباتيناج و البيني 

بيتراوح سعر الساعة بين 35 إلى 50 جنية على حسب النوع .

هتلاقي اللي بيأجروا في أماكن معينة بيتواجد فيها السكيترز بشكل مستمر و الأماكن دي هي.

في الدقي في مكان مشهور بين الاسكيترز باسم الساحة في ضهر سفارة السعودية كدة و قريب من ميدان الجيزة .

في وسط البلد هتلاقيهم في ميدان طلعت حرب في وسط البلد عند ميدان التحرير، وكوبري قصر النيل، و كمان كورنيش النيل قدام ماسبيرو قدام ممشى أهل مصر.

الزمالك في شارع أبوا الفدا و قدام ساقية الصاوي وفي أماكن متفرقة في حي الزمالك

ازاي ألعب سكيت ؟

 
من المهم تعرف إن في بداية تعليم السكيت للميتدئين هتقع كتير ، و عشان كده لازم تكون جاهز بعدة الحماية بتاعتك.

لازم يكون معاك شوية معدات هتساعدك في رحلتك كتير و هتسهل عليك الموضوع زي مثلا: 

1- لازم تختار النوع المناسب ليك اللي هتلعب بيه و المقاس المناسب ليك . فلو هتلبس سكيت رولر أو باتيناج اتأكد إنك جايب المقاس المناسب ليك ، و اتأكد إنك قفلته كويس لأن المقاس الكبير ممكن يتسبب في إنه يخرج من رجلك و ده ممكن يتسببلك في خطر أو الحوادث.

2- لازم تلبس خوذة و أنت بتلعب عشان تحمي دماغك لو وقعت.

3- ضروري تلبس واقي كوع عشان حماية إيدك من الكسر أو من الجروح .

4- زي ما هتلبس واقي كوع البس كمان واقي ركبة عشان تحمي ركبتك من الكسر أو الجروح.

5- اختار المكان المناسب لممارسة اللعبة و هو عادة هيكون مكان مفتوح عشان تعرف تتحرك. ممكن ساعتها تختار ملعب واسع أو نادي أو جراج عربيات و ابعد عن الطرق العامة و العربيات عشان تتجنب الحوادث قدر الإمكان.

6- دايما وأنت بتلعب حاول تكون جمب حد شاطر في اللعبة عشان تتعلم منه الأساسيات الصح. إزاي تقف على الأرض بشكل مناسب و مريح و إزاي تحقق التوازن و تتجنب الإصابات.

7- الشعر الطويل اربطه عشان ميغطيش على عينيك 
حاول البقاء بالقرب من الحائط اسند نفسك

فوايد ممارسة لعبة السكيت؟

• أولا كده هي وسيلة كويسة جدا للتخلص من الطاقة السلبية
• لو أنت بتعمل دايت هتساعدك على التخلص من سعرات حرارية كثيرة.
• بتقوي العضلات بشكل كويس جدا.
• لو هتستخدم السكيت كوسيلة تنقل فهو سهل الحركة وكمان هيوفر عليك استخدام الوقود

تشتري أدوات تعليم السكيت للمبتدئين منين؟

إما إنك تشتريها من محلات بيع الأدوات الرياضية أو ممكن تشتريها أونلاين من مواقع بيع المنتجات اونلاين زي آمازون و جوميا و نون .. وكمان لو أنت محظوظ هتقدر تلاقي منها في التوحيد و النور و بأسعار رخيصة جدا مقارنة بالأسعار التانية. وممكن كمان تشتريها مستعملة من صفحات الفيس بوك أو مواقع بيع المنتجات المستعملة زي OLX و السوق المفتوح .

و بكده نكون قولنالك كل المعلومات اللي عايز تعرفها عن تعليم السكيت للمبتدئين .. بنتمنالك رحلة سكيت سعيدة .. لو عايز تعرف كل الجديد في عالم المال تقدر تتابعنا على بلوج فايدتي