6 أبلكيشن مُسلية في زحمة الطريق: طرقع الـ Bubble Wrap

بتتعطل كتير في زحمة الطريق وبتوصل مشاويرك متأخر بسبب الزحمة؟ عاوز تستفاد من الوقفة دي وتسلي نفسك هنقولك على أكتر من أبلكيشن نزلهم دلوقتي على موبايلك هيفقرقوا معاك جدًا وهيخرجوك من حالة الممل طول ما الطريق واقف.

سواء كنت سايق أو راكب أي مواصلة ممكن تسلي نفسك بالتطبيقات دي بس خلي بالك لو أنت سايق أول أما الطريق يفتح سيب الموبايل وركز في الطريق علشان توصل بالسلامة.

لو سايق فالنصايح دي مهمة ليك اعرف أكتر من هنا: 6 نصايح للسواقة بحذر في الشتاء لتجنب حوادث الطريق!

1- أبلكيشن Bubble Wrap:

من أكتر الحاجات الممتعة لما تشتري حاجة وعليها ورق التغليف اللي بيفرقع دا وممكن تتخانق مع حد علشان تاخد حتة تطرقعها براحتك بتحس بإنك مبسوط ودا فعلًا بيقلل من التوتر، والأبلكيشن دا هيخليك تفرقع اللي أنت عاوزه براحتك، ومناسب جدًا في زحمة الطريق وكمان هتسمع صوت البابلز وهي بتفرقع.

تعرف ايه عن الورق اللي بيطرقع؟: 7 معلومات عن الورق اللي بيطرقع: ممكن ينقذ حياتك!

2- أبلكيشن OpenTalk:

من خلال الأبلكيشن دا هتقدر تسلي وقتك في الزحمة بإنك تتكلم مع أي حد في العالم عشان الوقت يعدي بدل ما أنت قاعد ساكت والطريق واقف.

3- أبلكيشن Paperama:

لو بتحب الألعاب الأوريجامي فالأبلكيشن دا ليك هتقدر تلعب على الموبايل وتستخدمه في أي وقت، ومن مميزاته إنه ثلاثي الأبعاد وفيه أكتر من 70 لغز وشكل تقدر تعملهم.

بمناسبة كلامنا عن التطبيقات المفيدة اعرف أكتر من هنا: 10 ابلكيشن مجانية على الموبايل لمتابعة صحتك في 2022

4- أبلكيشن QuizUp:

دا أبلكيشن هيقدملك أسئلة كتير ومعلومات بشكل عشوائي ويطلع لها تفسير في الاخر حتى لو التفسير مش منطقي يعني هتلعب وتنبسط وتستفاد، وكمان تطبيق خفيف يعني هتحس وأن بتلعب بسعادة لأن فيه حاجات كتير هزار.

5- أبلكيشن ZOOM:

من أشهر التطبيقات اللي انتشرت أوي بعد كورونا لأنه هيوفرلك وسط الزحمة ورغم البعد إنك ممكن تعمل عليه اجتماع وكمان ممكن تستخدم أبلكيشن زي Google Meet.

6- أبلكيشن Twenty20:

لو كنت من مجانين التصوير بالموبايل، ممكن تكسب من بيع الصور دي عن طريق بعض الابلكيشن اللي بتعرض صورك وتتوسط لك مع الشاري. من أشهرها ShutterStock و Twenty20، وأديك بتسلي وقتك وسط زحمة الطريق لغاية أما توصل مشوارك.

اعرف تطبيقات أكتر من هنا مهمة غير السوشيال ميديا: 10 ابلكيشن محتاج تنزلهم على موبايلك غير السوشيال ميديا