6 أعمال لازم تشوفها قبل ما تتفرج على DOCTOR STRANGE  2؟

ايه الأفلام والمسلسلات اللي لازم تشوفها قبل ما تتفرج على فيلم Doctor Strange in the Multiverse of Madness، واللي هيتم عرضه في السينما يوم 6 مايو 2022؟

لو أنت من محبي أفلام مارفل فأكيد مستني بفارغ الصبر اخر الأفلام بعد ما حقق فيلم Spider-man No Way Home  نجاح كبير وإيراداته اتخطت المليار دولار في 2021.

فيلم دكتور سترينج الجديد هو الجزء التاني، ومن المنتظر إن doctor strange in the multiverse of madnessهيفتح أبواب جديدة لعوالم كونية وشخصيات جديدة أو قديمة ظهرت في أعمال قبل كدا تابعة لـ"مارفل".

الإعلان الرسمي للفيلم من هنا

أبطال فيلم  Doctor Strange in the Multiverse of Madness

• بيندكت كامبرباتش: دكتور سترينج.
• راتشيل مكادمز: كريستين بالمر.
• إليزابيث أولسن: واندا ماسيموف.
• تشويتل إيجفور: موردو.
• بيندكت ونج: ونج.
• أسكوتيل جوميز: أمريكا تشافاز.
• بارتيك ستيوارت: بروفيسور إكسافير.
• doctor strange 2

تشوف ايه قبل فيلم Doctor Strange in the Multiverse of Madness

.

1- Doctor Strange الجزء الأول

لازم تتفرج على الجزء الأول منDoctor Strange ، واللي صدر سنة 2016 وقدم خلفية شخصية  "ستفن ستراينج" جراح المخ والأعصاب اللي بيتعرض لحادث بيفقده ذراعيه قبل ما يروح لمكان سري ويبدأ في فنون السحر الغريبة واتعلم مهارات جديدة على ايد Ancient One.

2- أفلام Infinity War و Endgame

ظهر في الأفلام دي دكتور ستراينج ضمن المعركة ضد "ثانوس"، ورجع من جديد وادى الإشارة لتوني ستارك علشان يقضي على ثانوس بشكل نهائي.

3- فيلم Spider-Man No Way Home

لازم قبل ما تشوف فيلم doctor strange in the multiverse of madness تتفرج على الفيلم دا، وهو عبارة عن الجزء التالت من ثلاثية “Spider-Man”  اللي تبع مارفل.

دكتور سترينج موجود في الفيلك دا مع "بيتر باركر" اللي بيحاول يمسح ذاكرة كل اللي عرفوا شخصيته الحقيقية  بعد ما اتورط في مقتل "ميستريو" بنهاية فيلم “Far From Home”.

وبعدها دكتور سترينج لجأ لمساعدته عن طريق تعويذة، وبتنفتح العوالم الموازية ويظهر عديد الشخصيات من أبعاد كونية مختلفة.

4-مسلسل WandaVision

من مسلسلات مارفل اللي هتلاقي فيها "واندا مكسيموف" و”فيجين”، والمسلسل دا هيساهدك تفهم الفيلم الجديد خاصة بعد التحول الكبير في شخصية واندا وقتها. 

5- مسلسل Loki

واللي فيه شخصية "لوكي" هربت بعد نهاية معركة “نيويورك” ونزاع “شيلد” مع “توني ستارك” علي حقيبة التيسراكت، وبقى أير لمنظمة بتهدف لحماية الخط الزمني من أية متغيراتٍ تحصل عليه.

في نهاية العمل يحدث تحولٍ كبير يؤدي هو الأخر لفيلم Doctor Strange in the Multiverse of Madness مع إحتمالية ظهور شخصيات “لوكي” و”موبيوس” و”سيلفي” من جديد.

6- مسلسل What If

قبل ما تتفرج على فيلم Doctor Strange 2 لازم تشوف مسلسل What if، ودا عبارة عن مسلسل رسوم متحركة البطل بتاعه اسمه “the watcher”  / المراقب وفيه نظرة مهمة على الأكوان المتوازية.

كل حلقة من المسلسل من البداية هتعرف قصتها، وأهم حلقة فيه هي اللي بيظهر فيها نسخة مظلمة من شخصية دكتور سترينج هنشوفها مرة تاني في فيلم Doctor Strange in the Multiverse of Madness.