7 هدايا رومانسية في الفلانتين: خلي عيد الحب مختلف

عيد الحب الفلانتين قرب وعاوز تبقى مستعد في الـ  valentine's day وتقول لحبيبتك كل سنة واحنا مع بعض بشكل مختلف، هنقولك على خطط ممكن تعملها في اليوم دا وهدايا موفرة وأفكار مش هتكلفك كتير لو ميزانيتك ع القد.

بس المهم قبل ما تفكر في الهدية لازم تكون عارف حبيبتك اهتماماتها ايه ولو مش واخد بالك ممكن تشغل دماغك شوية وتكلم صاحبتها أقرب حد ليها هي أكتر حد عارفاها كويس بس عود نفسك بعد كدا تركز مع التفاصيل علشان ماتقعش في نفس المشكلة.

لو لسه خاطب ومتردد من خطوة إنك تتجوز هنقولك على شوية نصايح من هنا: 5 حاجات هتوفرها وأنت متجوز vs وأنت خاطب

1-   لو بتحب الرياضة
 

لو حبيبتك بتحب الرياضة ممكن في الفلانتين تجيبلها هدية مناسبة ليها زي مثلًا لبس جيم أو في جيمات كتير بيعملوا عروض بمناسبة Valentine's Day، والحاجات دي مش هتكون مُكلفة وعملية وهتنبسط إن الحاجة مناسبة ليها.

2-   العروض على الأونلاين

قبل عيد الحب أماكن كتير جدًا بتعمل عروض لازم تستفاد بيها في إنك تعمل أوردر أو أكتر في حدود الميزانية اللي محددها، وكمان المحلات بتكون عاملة عروض الـ sale على اللبس الشتوي فممكن تشتري أكتر من حاجة بسعر كويس.

3-   خروجة حلوة

ممكن تاكلوا في مكان لطيف سوا وتعملها مفاجأة بحاجة رومانسية زي فرقة بتعزف مزيكا مخصوص ليكم، منها خروجة وحاجة مختلفة وجو رومانسي مش هتنساه، واتكلم معاها عن أول يوم قابلتها فيه وذكريات حلوة.

لو لسه مش عارف ترتبط يبقى الكلام دا ليك: سينجل ومش عارف ترتبط؟ 6 حاجات ممكن تكون السبب

ممكن تجيبلها اكسسوارات ومش لازم دهب على فكرة

4-   الاكسسوارات

مش لازم تكون دهب ممكن تجيبلها حاجة استانلس أو فضة بتكون قيمة وعمرها الافتراضي طويل وسعرها مناسب.

5-   لو بتحب الكتب

لو حبيبتك بتحب الكتب ممكن تجيبلها في الفلانتين عيد الحب كتاب وكدا كدا أنت عارف اهتماماتها ايه أفضل نوع بتحب تقرأ فيه، وبالمناسبة استغل معرض الكتاب وروح هتلها باكدج كتب محترم وبسعر كويس.

ودي كل المعلومات من هنا: كل اللي عاوز تعرفه عن معرض الكتاب الدولي 2022

6-   اشتراك في نتفليكس أو شاهد

لو هي من محبي المسلسلات والأفلام والبرامج ممكن تعملها في الفلانتين اشتراك في نتفليكس Netflix أو شاهد Shahid

7-   فيلم رومانسي

لو روحت السينما مع حبيبتك ودخلت فيلم رومانسي هيكون يوم حلو مش هيتنسي خالص ومش هتتكلف كتير، وماتنساش تجيبلها شوكولاتة وورد.