أسعار السجائر الجديدة مارس 2022: كليوباترا وبوكس وسوبر

أعلن رئيس شعبة الدخان باتحاد الصناعات، إبراهيم إمبابي، إنه تم زيادة أسعار السجائر اليوم لمنتجات الشركة الشرقية للدخان بقيمة جنيه واحد في نفس المستوي الأول من صفر إلى ٢٤ جنيه.

ومن المنتظر إن الأسعار دي هيتم تطبيقها بداية من النهاردة الثلاثاء 1 مارس، وسبب ارتفاع السعر تكلفة الشحن وقرارات محافظ البنك المركزي اللي ما ألغتش مستلزمات الإنتاج للمصانع.

قرار البنك المركزي 

لو متعرفش خلينا نقولك إن البنك المركزي المصري قرر من أيام إنه يوقف التعامل بـ"مستندات التحصيل في دفع قيمة السلع المستوردة"، ولجأ لحاجة اسمها "الاعتمادات المستندية".

السجاير الأجنبية هتغلى؟

رئيس الشعبة توقع إن اللي بتنتج السجائر الأجنبية في مصر غالبًا هترفع أسعار منتجاتها خلال الفترة الجاية على خلفية زيادة أسعار الشحن عالميًا.

يعني ايه مستندات التحصيل في دفع قيمة السلع المستوردة؟

وبالنسبة لمستندات التحصيل الملغاة، كانت قبل كدا بتسمح للمستوردين بتحويل قيمة بضائعهم للموردين خارج البلاد، بعد تقديم مستندات تطلب سداد مبالغ معينة، يحدد الطرفان قيمتها وموعد تحصيلها.

يعني ايه الاعتمادات المستندية؟

لكن فيما يخص حالة الدفع بـ "الاعتمادات المستندية"، فهنا البنك بيكون وسيط بين المستورد، وبنك مورد البضائع، فيضمن للأول الحصول على سلع مطابقة للمواصفات، ويساعد المورد في الحصول على كامل حقوقه المالية فور استلام المستورد لبضائعه.

كليوباترا سوفت كوين: 19 جنيه

خلي بالك الزيادة في الأسعار دي بس هتكون على منتجات الشرقية للدخان و"فايدتي" هتقولك على الأسعار الجديدة الخاصة بالبيع للمستهلك يعني ليك مباشرة:

• بوكس: "العلبة اللي فيها 10 سجاير" بـ 11 جنيه ونص للمستهلك.
• كليوباتر كينج سايز: "العلبة اللي فيها 20 سجارة" سعر بيعها للمستهلك 18 جنيه ونص.
• كليوباترا سوفت كوين: 19 جنيه.
• بوسطن/ بلمونت بـ 19 ونص.
• كليوباترا بوكس (أبيض / ألوان) بـ 20 جنيه.
• كليوباترا سوبر بـ 21 جنيه.
• مونديال أحمر / أزرق / سيلفر بـ 21 جنيه.
• مونديال سويتش منتول / بلو بيري بـ 24 جنيه.
• كليوباترا بلاك بـ  24 جنيه.
• ماتوسيان سوبر 24 جنيه.

تفتكر عمولة التاجر بتكون كام في بيع السجاير؟

• في العلبة البوكس اللي فيها 10 سجاير التاجر بيكسب 10 قروش.
• في الكليوباترا كينج سايز بيكسب 2 جنيه ونص.
• في بوسطن / بلمونت بيكسب 25 قرش.
• في كليوباترا / بوكس (أبيض وألوان) بيكسب 2 جنيه ونص.
• في كليوباترا سوبر بيكسب 2 جنيه ونص.
• في مونديال بيكسب 25 قرش.
• في مونديال سويتش منتول بلو / بيري بيكسب 25 قرش.
• في كليوباترا بلاك بيكسب 25 قرش.
• في ماتوسيان سوبر بيكسب 25 قرش.