أسعار تذاكر الحدائق العامة في خروجات شم النسيم 2022

خروجات شم النسيم 2022 وأسعار الحدائق القبة هنقولك على أماكن يمكن تكون أول مرة تسمع عنها وتقدر تقضي فيها يوم حلو ومختلف وسط الخضرة وجمال الطبيعة مع عيلتك أو صحابك.

اعرف أسعار الفسيخ والرنجة من هنا: شم النسيم 2022: أسعار الفسيخ والرنجة وأشهر فسخاني

حديقة الحيوان

• من أشهر خروجات شم النسيم 2022 وبيحبها الكبار والصغيرين كمان.
• مواعيد العمل: من الساعة 9 الصبح لغاية الساعة 2.30 العصر خلال شهر رمضان المبارك 2022.
• سعر تذكرة الدخول لحديقة الحيوان 5 جنيه للمصريين و20 جنيه لغير المصريين طوال أيام الأسبوع، فيما عدا الثلاثاء إجازة، ويمكن دخول أفواج سياحية فقط بحجز مسبق.

حديقة الميريلاند

• مكانها: في مصر الجديدة.
• هتلاقي جوا حديقة الميرلاند عروض كلاب البحر وبحيرات فيها مراكب صغيرة وكمان كافيهات ومطاعم.
• سعر تذكرة الدخول لحديقة الميريلاند 20 جنيه (من الأحد إلى الخميس).
• سعر تذكرة الدخول يومي الجمعة والسبت والإجازات الرسمية 30 جنيه.

حديقة الأسرة

• مواعيد العمل في حديقة الأسرة من الساعة 9 الصبح للساعة 10 بالليل.
• سعر تذكرة الدخول لحديقة الأسرة من يوم الأحد إلى يوم الخميس 60 جنيه.
• سعر تذكرة الدخول يومي الجمعة والسبت 70 جنيه.
• تذكرة الدخول لحديقة الأسرة بتكون شاملة: الدخول وبانوراما الأسلحة وحديقة الحيوان والسفاري و 3 مناطق العاب ثابتة.

اعرف كمان خروجات رمضان من هنا: أرخص أماكن خروجات بعد الفطار في رمضان 2022

حديقة الأزهر

• مكانها: في شارع صلاح سالم، والممتع إنك هتلاقي عروض كتير داخل حديقة الأزهر.
• من خروجات شم النسيم 2022، وفيها ملاهي وألعاب للأطفال ومطاعم وكافيهات.
• سعر التذكرة الدخول لحديقة الأزهر 20 جنيه.

الحديقة الدولية

• مكانها: في مدينة نصر وهتلاقي جوا الحديقة الدولية حديقة حيوان صغيرة.
• سعر تذكرة الدخول للحديقة الدولية 10 جنيه.
• وحديقة الحيوان اللي جوا الحديقة الدولية سعر دخولها 15 جنيه.
• مواعيد عمل الحديقة الدولية من 10 الصبح لـ 10 بالليل.

حديقة الأورمان

• تذكرة الدخول لحديقة الأورمان 10 جنيه في الأعياد لكن في العموم بـ 5 جنيه .
• مكانها قدام حديقة الحيوان بالظبط.
• رقم موبايل للتواصل: 01096862279

حديقة الأندلس

مكانها في الزمالك آخر كوبري قصر النيل يمين.

أقرب محطة مترو أنفاق هي محطة الأوبرا، ولو رايح بالعربية الأفضل تركن في جراج التحرير وتتمشي علي كوبري قصر النيل.

تذكرة الدخول لحديقة الأندلي بـ 5 جنيه للمصريين و10 جنيه للأجانب والكاميرا ب50ج (تصوير بالموبايل مسموح مجانًا).

حديقة الجزيرة

• مكانها: جنب كوبري قصر النيل قدام الفورسيزون بالظبط على كورنيش النيل مباشرة.
• سعر التذكرة: 5 جنية .

حديقة الفنون 

• مكانها: في شارع عبد العزيز آل سعود، يعني لو جاي من اتجاه الجيزة فهي بعد كوبري الجامعه بتدخل يمين.
• مسموح إنك تدخل الحديقة بالأكل والشرب عادي وكمان هتلاقي مراكب نيلية جوا.
• الحديقة بتفتح من الساعة ٨ الصبح لغاية ١٢ بالليل.
• سعر التذكره: 5 جنيه .

حديقة أم كلثوم 

• مكانها: لو جاي من اتجاه الجيزة  فهي بعد كوبري الجامعه بتدخل شمال في اتجاهك لمدخل استقبال مستشفى القصر العيني القديم.
• مواعيد العمل: من 9 الصبح لـ 11 بالليل.
• مسموح تدخل الأكل والشرب عادي.
• مليانة شجر وخضرة شكلهم حلو جدًا.
• سعر التذكره : 5 جنيه.