ازاي تحجز شقة بمبادرة التمويل العقاري في 5 دقايق؟

اخر اخبار مبادرة التمويل العقاري فبراير 2022، واللي أعلنها صندوق الإسكان الاجتماعي ودعم التمويل العقاري، بفتح باب الحجز بداية من 15 فبراير، لوحدات سكنية جاهزة للتسليم الفوري للمواطنين متوسطي الدخل.

وهيكون دا متاح في مشروعات "سكن مصر ودار مصر وجنة"، ضمن مبادرات البنك المركزي المصري المتنوعة للتمويل العقاري، اللي وجه بها رئيس الجمهورية السيسي، بفايدة 3% متناقصة و8% متناقصة.

البداية منين؟

أول حاجة تعملها حدد الوحدة والمساحة اللي عاوز تحجزها وتعرف طبعًا قدرتك الشرائية تناسب ايه بالظبط.

حدد المدينة اللي عاوز تسكن فيها وبناء عليه تشوف المشروع اللي موجود في المدينة دي دار مصر ولا جنة ولا سكن مصر.

ايه هي شروط التقديم وحجز وحدة سكنية من هنا: شروط التقديم والحجز في شقق جنة وسكن مصر ودار مصر

مشروع سكن مصر

• بالنسبة لمشروع وحدات سكن مصر مقدم حجز الوحدات 40 ألف جنيه.
• مساحة وحدات سكن مصر تتراوح بين 106 متر وحتى 118 متر
• المدن اللي متاح فيها مشروع سكن مصر هي "أكتوبر الجديدة – العبور الجديدة – القاهرة الجديدة – المنيا الجديدة – بدر – حدائق أكتوبر – دمياط الجديدة – ناصر "غرب أسيوط – الشروق".

اعرف أكتر عن أسعار شقق في دار مصر وسكن مصر وجنة من هنا: متوسط أسعار شقق جنة وسكن مصر ودار مصر

مشروع دار مصر

• أما بالنسبة لمشروع دار مصر تتراوح مساحة الوحدات ما بين 100 متر إلى 150 متر.
• مبلغ جدية الحجز في مشروع دار مصر 60 ألف جنيه.
• المدن اللي متاح فيها الحجز في مشروع دار مصر هي "السادات – 15 مايو – الشروق – العاشر من رمضان – بدر – برج العرب الجديدة – حدائق أكتوبر".

مشروع جنة

• أما بالنسبة لمشروع جنة تتراوح مساحة الوحدات ما بين 100 متر لـ 150 متر مربع.
• مبلغ جدية الحجز 80 ألف جنيه.
• المدن اللي متاح فيها حجز الوحدات السكنية بمشروع جنة هي "6 أكتور – المنيا الجديدة – القاهرة الجديدة – الشروق – العبور".

خلي بالك:

طلب الحجز ورفع الاستمارة والإقرار على الموقع الإلكتروني للصندوق من هنا في الفترة من 15/2/2022 حتى 8/3/2022.

ايه الجديد في مبادرة دار مصر وسكن مصر وجنة؟

• لأول مرة هيتم تقسيط وحدات مشروعات سكن مصر ودار مصر وجنة على 30 سنة.
• وزارة الاسكان الاجتماعي حددت بدء سحب الكراسات وسداد مبلع جدية الحجز يوم 15 فبراير .
• وكمان الوحدات جاهزة للتسليم الفوري.
• نظام الفايدة يتراوح بين 3% و8% حسب قيمة الوحدة والمشروع.
• التسجيل بداية من يوم 15 فبراير.

اعرف أكتر عن مبادرة مشروعات دار مصر وسكن مصر وجنة في التمويل العقاري من هنا

احسب دلوقتي قسط التمويل العقاري مع حاسبة مبادرة البنك المركزي للتمويل العقاري 3% من هنا