الصين: أمريكا بتلعب بالنار في تايوان | اعرف القصة الكاملة
تاريخ النشر: 03 أغسطس 2022 عالم المال
الحرب العالمية التالتة بين أمريكا والصين بسبب تايوان
ايه حكاية أمريكا مع الصين China وايه قصة تايوان بالموضوع؟ وهل ممكن يحصل حرب بين أمريكا والصين بسبب تايوان وتكون الحرب العالمية التالتة؟ اعرف أصل الحكاية وفايدتي هتلم الموضوع.
خرج الرئيس الصيني شي جينبينج، خلال الأيام القليلة اللي فاتت، في تصريح رسمي وقال "اللي بيلعب بالنار هيتحرق بيها" وكان بيحذر الرئيس الأمريكي جو بايدن بشكل صريح من تدخلاته في تايوان.
الرئيس الصيني عاوز ايه من رئيس أمريكا؟
الرئيس الصيني شي جينبينج طالب من الرئيس الأمريكي جو بايدن إنه يلتزم بمبدأ "الصين الواحدة" فيما يخص سياسة الصين مع جارتها تايوان.
لكن بايدن عمل اتصال هاتفي بالرئيس الصيني وقاله إنه الولايات المتحدة الأمريكية بتعارض بشدة أي تحركات أحادية الجانب من الصين تجاه تايوان والوضع هيكون غير مستقر.
ايه بقى قصة تايوان؟
أزمة الصين مع تايوان عاملة بشكل كبير زي أزمة روسيا مع جارتها أوكرانيا اللي قامت بسببها الحرب الحالية في شرق أوروبا.
ودا لأن الصين بتعتبر تايوان مقاطعة انفصالية لازم تكون جزء من البلاد، وكمان الصين معندهاش مشكلة تستخدم القوة في تحقيق الغرض دا وتضم جزيرة تايوان إلى حدودها.
تفتكر ايه اللي ممكن يأثر على الاقتصاد العالمي في المستقبل؟ اعرف أكتر من هنا: ايه اللي ممكن يأثر على الاقتصاد العالمي في المستقبل؟
ايه هي سياسة "الصين الواحدة"؟
دي السياسة اللي اتكلم عنها الرئيس الصيني في تصريحاته، واللي فيها مش بتعترف أمريكا بتايوان دبلوماسيًا أصلًا، لكن الغريب إنها بتبيع أسلحة للجزيرة اللي حكمها ذاتي ديمقراطي علشان تتمكن من الدفاع عن نفسها، ودا الأمر اللي ضايق الصين وسبب لها مخاوف.
وأمريكا بتحاول دايمًا تقوي علاقتها بتايوان عسكريًا في حين الصين خصم لأمريكا.
أمريكا بتستفز الصين
اللي اتسبب في ضجة في موضوع تايوان دا هو الاستفزاز أمريكي الأخير في الوقت اللي زارت فيه رئيسة مجلس النواب الأمريكي نانسي بيلوسي إلى تايوان.
ودا تغيير واضح من أمريكا تجاه تايوان اللي ماكنتش بتعترف بيها أساسًا دبلوماسيًا لكن حاليًا واقفة في صفها وبتدعمها، والغريب في الأمر اللي ضايق الصين إن تصريحات المسئولة الأمريكية كان فيها عداء للصين.
رئيسة مجلس النواب الأمريكي قالت إن دعم أمريكا لتايوان هيكون أكبر من أي وقت فات.
الصين: أمريكا بتلعب بالنار
الخارجية الصينية أصدرت بيانرسمي وقالت فيه إن الأمريكا بيلعبوا بالنار ردًا على زيارة بيلوسي للصين، والصين مش هتقف ساكتة قدام التحديات الأمريكية اللي بتشكل تديد للسلم العالمي.
تحركات عسكرية من الصين
اخر المستجدات في موضوع الصين وأمريكا وتايوان اللي نشرته وسائل إعلام صينية، امبارح الثلاثاء، وكانت عدد من الصور من مدينة شيامن بمقاطعة فوجيان الصينية.
والصور دي بتوثق وجود عدد كبير من الدبابات والمدفعية في شوارع المدينة، في الوقت اللي زارت فيهرئيسة مجلس النواب الأمريكي، نانسي بيلوسي، تايوان.
وكمان كان في فيديوهات منتشرة على السوشيال ميديا ظهر فيها عربيات مدرعة ودبابات تتحرك قرب شواطئ مدينة شيامن الصينية القريبة من جزيرة تايوان.
