ايه هو معنى قانون العرض والطلب وتأثيره على الأكل؟

الأكل زي أي حاجة في السوق التجاري بيبقى له موضة، وكل مرحلة بتفرق عن التانية في إيه اللي الناس بيدوروا عليه، وهنا قانون العرض والطلب بيفرق جامد في الأكل المتاح في السوق.

يعني إيه عرض وطلب؟

العرض هو كمية المنتجات المتاحة للمستهلكين في السوق، والطلب هو نسبة المستهلكين اللي مهتمين بإنهم يشتروا المنتج. لو العرض أزيد من الطلب، المنتج بيضطر إنه ينزل السعر في محاولة منه إنه يجذب المستهلك، ولو الطلب زاد عن العرض، يعني ما فيش كمية منتج كافية لتغطية عدد المستهلكين المهتمين بشراء المنتج، يبقى كدة المنتج بقى سلعة نادرة وسعره بيزيد.

عامل أساسي في أي سوق هو الأسعار، وفي سوق زي مصر اللي أغلب المستهلكين فيه بيراقبوا الأسعار جامد، سعر المنتج بيفرق حتى لو التغيير فيه بيبقى بسيط، وممكن ارتفاع السعر يأدي لانخفاض الاستهلاك.

إيه الحاجات اللي بتأثر على العرض والطلب في حالة الأكل؟

التقلبات الجوية:

التقلبات الجوية بتأثر على المحاصيل وبالتالي ممكن لو شدت تمنع محصول من إنه يكمل دورة نموه وما يوصلش لمرحلة الحصاد. غير كدة كمية الدعاية الخاصة بالتأثير السلبي على البيئة بسبب تربية المواشي، وإزاي إنها سبب رئيسي في الإحتباس الحراري، وده أدى لكتير من الناس بالترويج لدايت نباتي.

الموضة:

بسبب الترويج في الفترة الأخيرة للدايت النباتي، ابتديت الشركات التركيز على إنتاجها بشكل أكبر.

الأسعار:

عامل أساسي في أي سوق هو الأسعار، وفي سوق زي مصر اللي أغلب المستهلكين فيه بيراقبوا الأسعار جامد، سعر المنتج بيفرق حتى لو التغيير فيه بيبقى بسيط، وممكن ارتفاع السعر يأدي لانخفاض الاستهلاك.

شبكات التوزيع:

كل منطقة بتختلف أولوياتها عن منطقة تانية وعشان كدة شبكة التوزيع بالنسبة لأي منتج جزء أساسي من نجاحه أو فشله.