باي باي نقدية مبادرة الحكومة للقضاء على الكاش

الحكومة قررت أن المرحلة الجاية تبقى إلكترونية، وهنوقف التعامل بالكاش، واطلقوا حملة "باي باي نقدية" ضمن الحملة القومية للتوعية بمزايا السداد الإلكتروني، اللي تعتبر الحملة الدعائية لمبادرة البنك المركزي واتحاد بنوك مصر للتعامل بالوسائل الدفع الإلكتروني.

والمبادرة بتهدف لتغير كل التعاملات النقدية بالمحافظ الإلكترونية والكروت البنكية.

وقرر البنك المركزي نشر ١٠٠ ألف ماكينة دفع إلكتروني POS وبيتم توزيعها جغرافيا في كل المحافظات على أصحاب المحلات واللي عندهم تجارة أو صنعة، وتم تفعيلها بداية من تاريخ المبادرة ولغاية نهاية ديسمبر ٢٠٢٠. واللي عايز POS يقدر يطلعها بسهولة ومجانا من ٧ بنوك مصرية، هي:

1- البنك مصر Banque Misr

2-البنك الأهلي Al Ahli Bank

3-بنك القاهرة Banque du Caire

4-البنك التجاري الدولي CIB

5-بنك قطر الوطني الاهلي QNB AlAhli 

6-بنك الإسكندرية Alex Bank

7-العربي الأفريقي الدولي AAIB

كمان فى ال QR code أو رمز الإستجابة السريع اللي من خلالها العملاء هيقدروا يدفعوا بالموبايل ولكن محتاجين ينزلوا المحافظ الإلكترونية على تليفوناتهم عشان يستخدموها أو يطلعوا كارت بنكي عشان يدفعوا فواتيرهم فى حالة وجود ماكينة نقط دفع POS.

وزارة المالية اعلنت بداية تنفيذ قرارات المجلس القومي للمدفوعات الخاصة بتحويل المجتمع إلي مجتمع رقمي وتحقيق الشمول المالي من اول مايو ٢٠١٩

من ميزات المبادرة أنها:

-هتقلل التعامل بالكاش اللي ممكن يكون سبب في انتقال الأمراض، خصوصا مع استمرار وجود فيروس كورونا حوالينا.

-هتجنبك ضياع أو سرقة فلوسك، اللي مش هتعرف ترجعها بعكس الكروت اللي تقدر توقفها من خلال البنوك .

-هتكسب وقت عشان مش هتستني "الباقي".

وكانت وزارة المالية اعلنت بداية تنفيذ قرارات المجلس القومي للمدفوعات الخاصة بتحويل المجتمع إلي مجتمع رقمي وتحقيق الشمول المالي من اول مايو ٢٠١٩، وبداية من التاريخ ده تم الزام المواطنين بسداد رسوم الحصول علي جميع الخدمات الحكومية وكافة المستحقات الحكومية بما فيها الضرايب والرسوم الجمركية باستخدام واحد من وسائل الدفع الإلكترونية لسداد المبالغ اللي بتزيد عن ٥٠٠ جنيه.