بعد الموافقة على إصدار عملة معدنية جديدة: الجنيه مصيره ايه؟

مجلس الوزراء المصري وافق، النهاردة الأربعاء 14/9/2022 ، بشكل مبدئي على مقترح سك عملة معدنية فئة الـ 2 جنيه علشان يتم طرحها للتداول بعد كدا.

والمقترح دا عبارة عن اتفاق شراكة بين مصلحة الخزانة العامة وسك العملة المصرية، ودار السك الملكية البريطانية "رويال منت" علشان يتم إنشاء دار سك بريطانية مصرية بالمنطقة الاقتصادية لقناة السويس.

اعرف أكتر عن الجنيه المصري من هنا: نبذة تاريخية عن الجنيه المصري

تاريخ سك الجنيه المصرى 

تم  سك أول جنيه مصرى عام ١٨٣٦ و طرح للتداول بعد ان اصدر الخديوى مرسوم بشأن مشروع قانون برلماني؛ لإصدار عملة مصرية جديدة تستند إلى الذهب و الفضة.

علشان تحل محل العملة المتداولة فى وقتها وهي القرش. 

هل الـ 2 جنيه هتحل مكان الجنيه؟

سؤال بيسأله ناس كتير على السوشيال ميديا وفي الشارع المصري بعد قرار سك فئة ٢ جنيه، يا ترى هيكون أي منتج سعره جنيه هيبقى ٢ جنيه لحد ما يقل استخدام الجنيه زى الربع جنيه أو لحد ما يختفى زى الشلن و البريزة و الريال دلوقتى. حد فيكم لسا بيستخدمهم!!

ده معناه إن هيحصل زيادة في التضخم و قيمة العملة هتنزل اكتر، وكلها توقعات خلونا نشوف الفترة الجاية ايه اللي ممكن يحصل تقدر تتابع بلوج فايدتي وتعرف كل جديد في عالم المال.

تفتكر الجنيه المصري بيتكلف كام علشان يتعمل؟: تاريخ العملة المعدنية وتكليف صناعة الجنيه المصري!

وماتنساش إن احنا بنعيش حالة تخفيض لسعر الصرف و دا بيمهد لتنفيذ اشتراطات الصندوق الدولى علشان ناخد القرض اللى هنسد به الاحتياطى الاجنبى و فوائد القروض القديمة.