بعد حادث أسوان، أشهر الجمعيات اللي بتهتم ببناء أسقف البيوت

أنت عارف إن في ناس كتير في مصر بيخسروا بيوتهم بسبب الكوارث الطبيعية زي الأمطار والسيول، مش هنروح بعيد، من كام يوم حصلت كارثة في محافظة أسوان لما 7 بيوت انهارت والشجر وقع بسبب الطقس السيئ مع الأمطار الشديدة، والتلج وده اتسبب في تشرد ناس كتير وحصلت بعض حالات الوفاة والإصابات. 

التطوع والتبرع

جربت تتبرع بفلوس أو تتطوع بوقتك؟ ممكن تشارك بفلوس مع الجمعيات الخيرية المختلفة بالتواصل المباشر معاهم من خلال بتاعهم أو السوشيال ميديا زي فيسبوك.

كمان ممكن تتطوع بوقتك وتشارك مع الجمعيات دي لما تدخل على سايت المؤسسة وتملى بياناتك وهما هيتواصلوا معاك، ووقتها هتقدر تشارك في عمل مجتمعي مفيد جدًا وتساعد غيرك وتستغل وقتك بشكل كويس.

 في جمعيات خيرية كتير في مصر بتساعد الناس دول في بناء أسقف البيوت، هنقولك ازاي تشارك كمتطوع أو متبرع مع المؤسسات دي اللي بتساهم في بناء المنازل والأسقف والقضاء على التشرد.
 

4 جمعيات خيرية بتبني أسقف البيوت:

جمعية رسالة

Resala Charity Organization عندها مشروع القوافل الداخلية اللي من ضمن أنشطة الجمعية، واللي بيتم من خلاله توصيل المياه وتركيب الأسقف وتجهيز العرائس و تعمير المساجد وعمل زيارات للمسنين وهو عبارة عن حملات إغاثة سريعة للقرى الفقيرة داخل القاهرة الكبرى

جربت تتبرع بفلوس أو تتطوع بوقتك؟ ممكن تشارك بفلوس مع الجمعيات الخيرية المختلفة بالتواصل المباشر معاهم من خلال بتاعهم أو السوشيال ميديا زي فيسبوك.

مؤسسة مصر الخير

Misr El Kheir Foundation من المؤسسات الخيرية اللي بتقدم حملات التبرع في مجال التكافل الاجتماعي، وعندها مشروع خاص اسمه "سهم في تحسين بيئة السكن" وشعاره:  

المصري هيفضل بخير بسقف وبيت يجمعه بأهله يحس فيه بالدفا والأمان، اتبرع لمصر الخير بسهم في سكن وساعد آلاف المستحقين عشان يعيشوا حياة مستقرة وآمنة.

جمعية بداية

Bedaya Charity Organization جمعية بداية بتقوم بالأعمال الخيرية ومساعدة الأسر لمواجهة ظروف الحياة اليومية، وبدأت سنة 2000 لخدمة الأسر الفقيرة والمستحقة في قرى مصر وبشكل خاص لقرى الصعيد.

من ضمن مشاريع جمعية بداية "ستر وغطا" وحقق المشروع دا تسقيف أكثر من 2000 منزل للحماية من برد الشتاء وحرارة الصيف وترميم بيوت كانت أيلة للسقوط لتوفير حياة كريمة للأسر وتوزيع آلاف البطاطين بالقرى.

جمعية بناء

Benaa Charity Organization بتهتم ببناء وترميم المنازل، جمعية بناء بتشتغل في القري والنجوع للأعمال الخيرية والتطوعية.