بعد وقف شهادة 25%: ايه أعلى الشهادات فائدة في البنوك دلوقتي؟

فايدتي للوساطة البنكية والتأمينية هتقولك في المقال دا ايه أعلى الشهادات فائدة في البنوك دلوقتي، النهاردة الخميس 2 فبراير 2023، ودا طبعًا ما تم وقف شهادات شهادات الـ 25% والـ 22.5% لـ 3 بنوك وهما: البنك الأهلي المصري وبنك مصر وبنك القاهرة بعد ما كانت متاحة حوالي 27 يوم من طرحها.

بيع شهادات ادخار بفائدة عالية

وبعد وقف الشهادة مرتفعة العائد 25% تتصدر 3 بنوك خاصة بيع شهادات إدخار بفائدة هي الأعلى على مستوى الجهاز المصرفي حاليا.

ايه هي البنوك اللي بتقدم شهادات ادخار بفائدة عالية؟

• QNB الأهلي.
• CIB مصر.
• العربي الأفريقي الدولي.

البنوك دي بتقدم شهادات أجل سنة ونصف بفائدة تصل إلى 22.5% سنويًا تصرف عند نهاية الاستحقاق و20% سنويا بدورية شهرية لصرف العائد، لكن تفاصيل بيع الشهادة تختلف من بنك إلى آخر في الحد الأدنى للشراء.

شهادات البنك الأهلي وبنك مصر

ولو أنت ماتعرفش خلينا نقولك إن بنك مصر والبنك الأهلي المصري كانوا طرحوا يوم 4 يناير اللي فات شهاداة عالية الفائدة لمدة سنة واحدة بفائدة وصلت لـ 25 % لو هتاخد العائد سنوي، و22.5% لو هتحصل على الفائدة بشكل شهري.

وكانت الفكرة من كدا امتصاص السيولة من السوق علشان يحصل تقليل وسيطرة على على زيادة الأسعاروالدولرة (التلاعب في سعر النقد الأجنبي بالسوق الموازية).

شهادات بنك القاهرة

في المقابل بنك القاهرة كمان بدأ قبل 15 يوم طرح الشهادة المرتفعة العائد يوم 17 يناير الجاري وتم إيقافها عصر اليوم.

فايدتي هتقولك ايه أعلى الشهادات فائدة حاليًا:

بنك قطر الوطني الأهلي QNB

• نسبة الفائدة: 20% سنويا يصرف العائد عليها شهريا.
• 22.5% يصرف العائد في نهاية استحقاق الشهادة.
• أجل الشهادة: سنة ونصف.
• الحد الأدنى لشرائها: يبدأ من أول ألف جنيه ومضاعفاته.

البنك العربي الأفريقي الدولي

• نسبة الفائدة: 20% سنويا يصرف العائد عليها شهريا.
• 22.5% يصرف العائد في نهاية استحقاق الشهادة.
• أجل الشهادة: سنة ونصف.
• الحد الأدنى لشرائها: يبدأ من أول 5 آلاف جنيه ومضاعفاته.

البنك التجاري الدولي CIB

• نسبة الفائدة: 20% سنويا يصرف العائد عليها شهريا.
• 22.5% سنويا يصرف العائد في نهاية استحقاق الشهادة.
• أجل الشهادة: سنة ونصف.
• الحد الأدنى لشرائها: يبدأ من أول 100 ألف جنيه ومضاعفات الألف جنيه.

كمان تقدر تستخدم الفلتر دا علشان تعرف أفضل‌ ‌شهادات‌ ‌الاستثمار‌ ‌‌والودائع‌ ، وقارن بين أعلى شهادات استثمار وودائع