بمقدم 50 ألف جنيه: احجز شقتك في جاردينيا سيتي بمدينة نصر

مشروع جاردينيا سيتي ملك بنك مصر والبنك الأهلي، ومكانه في مدينة نصر، والشركة اللي بتتابع إجراءات بيع شقق المشروع هي فوندرز Founders التابعة لشركة هايد بارك للتطوير العقاري، والمرحلة التالتة بدأت بالفعل يوم 6 مارس الحالي 2022.

اعرف الجديد في مشروعات دار مصر وسكن مصر وجنة من هنا: الجدول الزمني لحجز الوحدات السكنية في سكن مصر ودار مصر وجنة

معلومات عن مشروع جاردينيا مدينة نصر 2022

• مشروع جاردينيا سيتي هو كمبوند تم تنفيذه على مساحة 600 فدان تقريبًا.
• إجمالي الشقق فيه 20 ألف وحدة سكنية.
• موجود على طريق السويس والطريق الدائري.
• قريب من التجمع الأول بالقاهرة الجديدة.
• ملك للبنك الأهلى المصري وبنك مصر.

امتى هيتم فتح باب الحجز في جاردينيا سيتي 2022؟

المرحلة التالتة تم فتح باب الحجز فيها، وتم طرح مرحلتين السنة اللي فاتت 2021 بإجمالي 5 آلاف وحدة سكنية.

 ازاي تقدر تحجز في شقق جاردينيا سيتي 2022؟

الخطوة الأولى: هتودع 50 ألف جنيه جدية حجز، دفعة واحدة غير مجزئة، في حساب الشركة الخاص بها باسم فاوندريز للتسويق العقاري، ودا متاح في كل فروع بنك مصر، على أن يتحمل العميل العمولات ومصاريف التحويل.

الخطوة التانية: بعد غلق باب الحجز، الشركة بتتواصل مع العميل للحضور لاختيار وتخصيص الوحدة السكنية، ولن يتم الحجز والتخصيص إلا في المواعيد المحددة والتي يتم إبلاغها وتحديدها من قبل الشركة وذلك تيسيرًا على العميل.

اعرف متوسط الأسعار من هنا: متوسط أسعار شقق جنة وسكن مصر ودار مصر

ايه هي مواصفات شقق جاردينيا سيتي؟

مساحة الشقق السكنية داخل مشروع جاردينيا 120 متر بس، عبارة عن 3 غرف نوم، وحمام، كاملة التشطيب، وجاهزة للمعيشة من الآن.

الأسعار بتبدأ من مليون و50 ألف 

أسعار جاردينيا سيتي

• في اختلاف في الأسعار وبتبدأ من مليون و50 ألف وتصل لمليون و400 ألف جنيه.
• الاختلاف في السعر نتيجة دور الشقة اللي عاوز تحجزها وهل هي أمامية أم خلفية وتواجد العمارة.

امتى العميل بيختار الوحدة اللى عاوز يحجزها؟

من حق العميل إنه يختار الوحدة اللي عاوز يحجزها وقت التعاقد، يعني بعد سداد جدية الحجز والتي تصل لـ50 ألف جنيه.

مصاريف تانية

بخلاف أسعار الوحدات يتم سداد وديعة الصيانة تقدر بـ 10% يتم دفعها على سنة، بواقع 6% من ثمن الوحدة عند الاستلام، و4% على سنة.

ايه هي مميزات جاردينيا سيتي؟

• موجود في منطقة حيوية وكمان قريب من أهم المناطق والمدن الحيوية مثل مدينة نصر والقاهرة الجديدة.
• ثقة بنك مصر والبنك الأهلي وهما مالكين المشروع، وبالتالي الموضوع أمان وثقة ومش هتتعرض لأي نصب.
• الوحدات جاهزة بالفعل على السكن علطول، مقارنة بالمشروعات التانية اللي بتحتاج فيها لسنين علشان تستلم.
• أنظمة السداد واللي بتبدأ بسداد 10% فقط من تمن الوحدة، والباقي بدون فوائد.

اعرف شروط التقديم من هنا: شروط التقديم والحجز في شقق جنة وسكن مصر ودار مصر

ايه هي عيوب جاردينيا سيتي؟ 

"آراء اللي استلموا في المرحلتين الأولى والتانية"

• التأخير في تسليم الشقق المطروحة بالمشروع.
• عيوب السباكة في المطابخ والحمامات والدهانات.
• مش موجود منظومة أمنية كاملة وحراسة وكاميرات مراقبة على مدار 24 ساعة لغاية دلوقتي.
• بعض أعمدة الإنارة في الشوارع مش شغالة، ودا بيتسبب في عتمة والخوف من الحوادث اللي ممكن تحصل.
• مشروع جاردينيا سيتي قريب من عزبة الهجانة واللي معروف عنها إنها منطقة عشوائية.