تعديل جهة صرف المعاش: الشروط والأوراق المطلوبة

اعرف الجديد في أخبار بطاقات صرف المعاشات زي ما أعلنها رئيس الهيئة القومية للتأمين الاجتماعي، اللواء جمال عوض.

وخلينا نقولك إن صلاحية بطاقات صرف المعاشات الزرقاء هتنتهى في بداية شهر يونيو 2023، وكمان 5.5 مليون بطاقة اتحولت إلى "كروت ميزه"، وفاضل بس مليون بطاقة.

اعرف من بلوج فايدتي الجهات المسئولة عن صرف المعاشات وازاي تعدل جهة صرف المعاش والمستندات المطلوبة لتحويل جهة المعاش.

اعرف أخبار تانية تهمك عن المعاشات من هنا: ايه هي القرارات الحكومية اللي بتفيد اصحاب المعاشات؟

تعديل جهة صرف المعاش

وكمان أكدت الهيئة القومية للتأمين الاجتماعى على موقعها الرسمى إنه يجوز لصاحب المعاش أو المستفيدين تعديل جهة صرف المعاش على اى جهة من الجهات المسئولة عن صرف المعاشات.

الجديد في قانون المعاشات: قانون المعاشات الجديد: شروط منح وزيادات الأرامل والمطلقات

الجهات المسئولة عن صرف المعاشات:

• مكاتب هيئة البريد ( كارت ميزه أو حساب فضى معاشات ).
• بنوك القرى.
• بنك ناصر الاجتماعي.
• البنوك التجارية ( كارت ميزه أو حساب توفير ).
• الحسابات الجارية بالبنوك وماكينات الصرف الآلي التابعة لها.

ازاي تعدل جهة صرف المعاش؟

لو أنت صاحب معاش هتروح لأقرب مكتب تأمينات وهتطلب تغيير جهة صرف المعاش.

المستندات المطلوبة لتحويل جهة المعاش:

• لو كانت جهة صرف المعاش هى بنك لازم يكون معاك موافقة البنك على وقف المعاش .
• ولو كنت هتغير صرف المعاش من اى جهة على احد البنوك لازم يكون معاك موافقة البنك على تحويل المعاش.
• لو هتحول المعاش على كارت ميزة لازم يكون معاك صورة كارت ميزة.
• لو هتحول المعاش على حساب فضى معاشات المدعوم من البريد المصرى لازم يكون فى خطاب من البريد المصرى شامل رقم الحساب.