جهاز العروسة كامل 2022: أرخص الأسعار والأماكن

تجيبي الكوبايات؟ طب الصيني أسعاره ايه؟ طب تجيبي المفروشات منين؟ لو قربتي تتجوزي و بتجهزي نفسك وعايزة تحققي المعادلة الصعبة انك تشتري أحسن وأحدث المنتجات لجهازك بس من غير ما تدفعي كتير فماتقلقيش لأن احنا هنوفر عليكي الوقت و المجهود.

احنا هنقولك أحسن الأماكن اللي تشتري منها جهاز العروسة كامل و كمان هنعرفك متوسط الأسعار لكل حاجة هتحتاجيها في جهازك.

1-أدوات المطبخ و مستلزمات النيش الجاهزة

2- الأجهزة الكهربائية 

3-مفروشات العروسة

4-ملابس العروسة

أدوات المطبخ و مستلزمات النيش

تقدري تجيبي أدوات مطبخك  و كمان مستلزمات النيش بسعر الجملة من الأماكن دي :

1-سوق التلات و دا زي ما بيقولوا موجود فيه كل حاجة من الابرة للصاروخ و بأرخص الأسعار و تقدري توصلي له من هنا

2-احسن مكان تشتري منه أدوات منزلية بالجملة هو سوق العتبة و تقدري توصلي له

3-درب السعادة متفرع من شارع الازهر تقدري تجيبي منه طقم الصيني و باقي أدوات مطبخك و تقدري توصلي له من هنا

4-سوق أبو النمرس و داه تلاقي فيه حلل التيفال و الألومنيوم و الجرانيت بأقل الأسهار و تقدري توصلي له من هنا

الأجهزة الكهربائية

ممكن تجيبي الأجهزة الكهربائية من اكتر من مكان و كمان تجيبيها بالتقسيط زي:

1-ممكن تجيبي أجهزتك الكهربائية من رنين و كمان ممكن تستني التخفيضات الكبيرة على الأجهزة الكهربائية في مهرجان "على وش جواز" السنوي من رنين و في الأغلب بيكون من شهر 6 لشهر 7  و ممكن تشتري اونلاين من هنا

2-فرست جروب للأجهزة الكهربائية و دا ممكن تجيبي منه أجهزة فرز تاني بأرخص الأسعارو ممكن تعرفي الفروع و تتواسلي معاهم من هنا

3-كارفور و بيعمل عروض كتير أهمها معروض البلاك فرايداي في شهر نوفمبرو ممكن تشتري اونلاين و تعرفي فروعهم من هنا

4-اسواق و معارض شارع عبدالعزيز و ممكن تعرفي ازاي توصلي له من هنا

5-شاهين للأجزة الكهربية و ممكن تشتري اونلاين او تعرفي فروعهم من هنا

تفتكري قاعات الأفراح بكام؟ اعرف أكتر من هنا: أسعار 20 قاعة افراح 2022 في القاهرة والجيزة وعدد الأفراد

متوسط أسعارالأجهزة الكهربائية:

1-شاشة تليفزيون سمارت تبدأ من 1900 و تصل الي 9000 جنيه

2-تبدأ أسعار التلاجات من 10,500 و تصل الي 40,000 جنيه

3-تبدأ أسعار البوتاجازات من من 4000 و تصل الي 8000 جنيه

4-تبدأ أسعار الغسالات من 3000 و تصل الي 9000 جنيه حسب النوع (نصف اوتوماتيك- فل اتوماتيك)

خلي بالك ان الاسعار بتختلف حسب النوع و الجودة و الحجم والمكان

مفروشات العروسة

المفروشات بتتنوع من مفروشات الحمام و المطبخ لمفروشات السفرة و النيش و كمان غرف البيت و دي احسن الأماكن اللي تقدري تجيبي منها مفروشاتك بأقل الأسعار:

العتبة تقدري تشتري منها المفروشات باقل الأسعار.

منطقة الغورية بتقدملك أقل الأسعار باحسن جودة للمفروشات و تقدري توصلي له من هنا

ملابس العروسة

و لأننا عارفين ان قبل الجواز العروسة بتحتاج تشتري لبس بكميات كبيرة و بأسعار بسيطة فاحنا جمعنالك ارخص الأماكن اللي ممكن تحيبي منها لبس بس بأعلى جودة زي:

Shein و تقدري تشتري منه اونلاين بس عن طريق صفحات الفيسبوك او انستجرام و أسعاره بتكون متوسطة و مناسبة 

وكالة البلح و دي واحدة من أشهر الأسواق للملابس اللي أسعارها مناسبة و بسيطة و كمان بتكون جودتها كويسة جدا

مول القدس و تقدري توصلي له من هنا