قبل مباراه مصر وكوت ديفوار | أرقام لازم تعرفها

النهاردة الساعة 6 مساءًا منتخب الفراعنة بقيادة مديره الفني كارلوس كيروش، هيقابل منتخب كوت ديفوار الملقب بـ"الأفيال" في دور الـ16 ببطولة كأس الأمم الأفريقية اللي بتتلعب حاليًا في الكاميرون، بعد ما اتأهل المنتخب المصري للدور دا كتاني مجموعته بالبطولة.

اعرف أكتر عن مباراه مصر وكوت ديفوار تاريخ المواجهات والقيمة التسويقية ومعلومات تانية كتير.

تاريخ مواجهات مصر وكوت ديفوار في كأس أمم أفريقيا

• 10 ماتشات بين مصر وكوت ديفوار.
• الفراعنة كسبوا في 7.
• الأفيال كسبوا مرة واحدة بس.
• الماتش انتهى بالتعادل مرتين.

أول ماتش بين مصر وكوت ديفوار كان امتى؟

في كأس أمم أفريقيا سنة 1970، ومصر كسبت 3/1.

مصر كمان كسبت منتخب كوت ديفوار في النسخ دي: 1974 و1980 و1984 و1986، والفوز الأول والأخير لكوت ديفوار في كأس الأمم الأفريقية كان سنة 1990.

أشهر مباراه مصر وكوت ديفوار

في كأس أمم أفريقيا 2006 و2008، وفاز المنتخب المصري رغم وجود نجوم كتير في منتخب كوت ديفوار.

محمد صلاح هو الأعلى قيمة تسويقية بين منتخبين مصر وكوت ديفوار بقيمة 100 مليون يورو

ماتشات تانية بين المنتخبين

• منتخب الفراعنة قابل كوت ديفوار مرة واحدة في دورة الألعاب الأفريقية 1987 وكسبه.
• واتقابلوا كمان في 6 ماتشات ودية اخرها كان في 2013.

عدد الماتشات الإجمالي بين مصر وكوت ديفوار

• الماتشات الرسمية والودية اللي اتقابلوا فيها المنتخبين 21 مباراة.
• فاز الفراعنة في 10.
• خسروا في 6.
• اتعادلوا 5.

القيمة التسويقية لمنتخب مصر ومنتخب كوت ديفوار

• القيمة التسويقية لمنتخب كوت ديفوار 298.70 مليون يورو يعني حوالي 5 مليار و333 مليون جنيه مصري تقريبًا.
• قيمة المنتخب المصري التسويقية 161.25 مليون يورو يعني حوالي 2 مليار و879 مليون جنيه مصري تقريبًا.

أكتر لاعب قيمة تسويقية

• أغلى لاعب في منتخب كوت ديفوار من حيث القيمة التسويقية هو نجم فريق ميلان الإيطالي فرانك كيسي لاعب وسط الفريق، واللي قيمته 48 مليون يورو.
• وبالنسبة للمنتخب المصري النجم محمد صلاح، لاعب ليفربول الإنجليزي، هو الأغلى في القيمة التسويقية بقيمة حوالي 100 مليون يورو.

بمناسبة كلامنا عن نجمنا محمد صلاح اعرف أكتر عنه من هنا، محمد صلاح/Egyptian King بيستثمر فلوسه في ايه 2022؟

طيب عارف محمد صلاح The Egyptian King بياكل بكام في اليوم!