كام أقل وأعلى زيادة في معاشات أبريل 2022؟

ايه هي أقل وأعلى زيادة في المعاشات بداية من شهر أبريل الحالي 2022؟ أعلنت وزارة التضامن الاجتماعي إنها هتصرف معاشات أبريل بزيادة المعاشات بنسبة 13%، حسب توجيهات الرئيس عبدالفتاح السيسي للحكومة باتخاذ مجموعة من الإجراءات المالية لتخفيف التداعيات الاقتصادية العالمية.

مرتبات شهر أبريل لموظفين الحكومة هتتصرف امتى؟ اعرف من هنا تفاصيل أكتر: مرتبات أبريل 2022 هتتصرف يوم 20 للجهات دي

ايه هي الزيادة السنوية في قيمة المعاشات؟

وزارة المالية خصصت 190.5 مليار جنيه في موازنة العام المالي 2021/2022 للهيئة القومية للتأمين الاجتماعي، للمساعدة في صرف الزيادة السنوية في قيمة المعاشات بنسبة 13%، بحد أدنى 120 جنيه بداية من أول أبريل الحالي.

حد أدنى 120 جنيه وعدد المستفيدين قد ايه؟

الحد الأدنى لزيادة معاشات شهر أبريل 2022 هيكون 120 جنيه، وحد أقصى 1222 جنيه، وعدد اللي هيتسفاد من الزيادات دي حوالي 10 مليون و700 ألف مواطن بتكلفة 3.8 مليار جنيه شهريًا. 

وتكلفة إن الزيادات تتصرف بدري عن أشهر أبريل ومايو ويونيو وصل لـ 11.4 مليار جنيه.

أما التكلفة السنوية للزيادة دي قيمتها 38.4 مليار جنيه.

قيمة المعاشات خلال العام المالي 2022/2023

وبكدا تكون قيمة المعاشات خلال العام المالي 2022/2023 كلفت الدولة مبلغ 321.5 مليار جنيه، وحالات استحقاق المعاش خلال الفترة من 1/4/2022 وحتى 30/6/2022 تستفيد من تلك الزيادة اعتبارا من تاريخ استحقاق المعاش.