ما هى طرق الدفع اللاتلامسية، وازاي تقدر تستفيد منها؟

من سنة تقريباً سمعنا خبر إن فيزا وماستر كارد حظروا إصدار أي بطاقات جديدة مفيهاش خاصية الدفع اللاتلامسي وبعدها بشهر بدأت البنوك في مصر تنفيذ القرار دة وأصبحت كل البطاقات الجديدة فيها الخاصية دي.

 موضوع المدفوعات اللاتلامسية أو الـ contactless payments انتشر جداً الفترة الأخيرة للتقليل من المعاملات النقدية وتسهيل عمليات البيع والشراء ده غير كمان تجنب لمس أسطح غير موثوق فيها، بس تفتكر معناها ايه؟ أو إيه فايدتها؟

يعني إيه دفع غير تلامسي أو contactless payments؟

المدفوعات اللاتلامسية يعني مش محتاج تدخل البطاقة في جهاز الـ POS اللي في المحلات علشان تسحب فلوس أو تدفع مقابل حاجة، مجرد ما بتقرب البطاقة أوالموبايل للجهاز بيتم قراءة بيانات حسابك وكمان لو في حالة سحب أقل من 300 جنية مبتحتاجش تكتب الرقم السري الخاص بالبطاقة وبالتالي بيقلل عليك الوقت الضايع في عمليات الشراء والسحب بشكل كبير. 

الخاصية دي بتشجع على استخدام بطاقات الدفع أو المحافظ الالكترونية بدلاً من المعاملات النقدية أو الكاش، وبالتالي فيها حماية أكبر لفلوسك وتوفير أكتر لوقتك وكمان هتسهل عليك شراء أي حاجة في أي وقت.

إيه فايدتها؟

الخاصية دي بتشجع على استخدام بطاقات الدفع أو المحافظ الالكترونية بدلاً من المعاملات النقدية أو الكاش، وبالتالي فيها حماية أكبر لفلوسك وتوفير أكتر لوقتك وكمان هتسهل عليك شراء أي حاجة في أي وقت.

كمان هتساعد الدولة في تقليل المعاملات النقدية وزيادة حد الشمول المالي والتقليل من انتشار الفلوس غير المشروعة وعمليات غسيل الأموال.

إزاي تقدر تستفيد من خدمات المدفوعات اللاتلامسية؟

لو عندك أي فيزا أو ماستر كارد بقالها سنة أو سنة ونص، في الأغلب هيكون فيها الخاصية دي وتقدر تعرف عن طريق إن بيكون على الكارت علامة زي علامة الـ wifi ،وإذا كانت الإجابة لأ، فممكن تروح تجدد بطاقة الخصم المباشر أو المشتريات بتاعتك وأكيد هيكون فيها الخدمة دي.

ممكن تستخدم أبلكيشن المحفظة الإلكترونية الخاص بالبنك بتاعك وإذا مفيش ممكن تستخدم محفظة فون كاش من البنك الأهلي أو المحفظة من بنك مصر ودول مش شرط تكون عميل في البنك علشان يكون عندك محفظة، وممكن كمان تستخدم محفظة فوري أو ميزة.