ما هى عملة الفيسبوك لإلكترونية (ليبرا)، وطرق التعامل بها؟

أعلنت شركة فايسبوك إنها هتعمل عملة إلكترونية خاصة بيها إسمها ليبرا، وإنها المفروض هتطرحها الشركة السنة دي (2020)، بس طبعاً كان في تخوفات كتيرة، بسبب تاريخ فايسبوك الخاص بإنتهاك خصوصية المستخدمين والتحكم فيهم.

ليه قررت شركة فايسبوك إنها تعمل عملة إلكترونية خاصة بيها؟

دي مش أول مرة الشركة تحاول تعمل عملة إلكترونية، قبل كدة كانت عملت حاجة إسمها credits عشان الناس تقدر تدفع في الألعاب اللي موجودة على فايسبوك، واستمرت لمدة 4 سنين.

الشركة بتقول إن الأهداف الرئيسية هي:

1. تمكين الناس المهمشة اللي معندهاش حسابات بنكية، واللي قدرتهم الشركة بـ1.7 مليار شخص في العالم.

2. تسهيل تحويل الفلوس ما بين الناس في العالم.

 العملة هتبقى نازلة تحت مؤسسة ليبرا  وهي مؤسسة غير هادفة للربح متأسسة في سويسرا، واللي فايسبوك شاركت في تأسيسها، ولكنها بتضم شركات تانية زي أوبر وسبوتيفاي، وغيرها، وهدفهم إن المؤسسة توصل لـ100 شركة. والمفروض إن تنظيم العملة هيتم عن طريق مؤسسة ليبرا.

ليبرا هتبقى مختلفة إزاي عن باقي العملات الإلكترونية؟

ليبرا هتعتمد على نفس التكنولوجيا اللي بتشتغل بيها باقي العملات الإلكترونية، ولو حابب تعرف أكتر، روح اقرا المقالة بتاعتنا عن العملات المشفرة.  

ولكن في اختلاف أساسي لعملة ليبرا وهو إنها هتبقى مربوطة بأصول ثابتة، واللي غالباً هتبقى سندات حكومية من العملات المستقرة زي الدولار واليورو.

هل فايسبوك هتبقى متحكمة في ليبرا؟

المفروض لا، لإن العملة هتبقى نازلة تحت مؤسسة ليبرا  وهي مؤسسة غير هادفة للربح متأسسة في سويسرا، واللي فايسبوك شاركت في تأسيسها، ولكنها بتضم شركات تانية زي أوبر وسبوتيفاي، وغيرها، وهدفهم إن المؤسسة توصل لـ100 شركة. والمفروض إن تنظيم العملة هيتم عن طريق مؤسسة ليبرا.