ممكن يحصل تعويم تاني للجنيه؟ البنك الأهلي يرد

ناس كتير بتسأل عن تعويم الجنيه المصري مرة تاني خلال الفترة الجاية، وهل الكلام دا ممكن يحصل يوتم تعويم الجنيه رسميًا من جديد؟ المتحدث الرسمي للبنك الأهلي المصري رد على الكلاد دا.

يعني ايه تعويم الجنيه المصري؟

المقصود بيه إنه البنك المركزي المصري بيرفع ايده عن العملة بشكل كلي، وكمان بيفك ارتباطها بأي عملة تانية أو حتى بالذهب وبيسيبها عايمة ترتفع وتنخفض حسب آليات العرض والطلب.

وفي حالة التعويم بيتم تحديد سعر العملة في السوق الرسمية بالبنوك الموجودة في السوق المحلية، ومن ضمن أهداف من تعويم الجنيه السيطرة على سعر الدولار في السوق السوداء.

معلومات أكتر عن الجنيه المصري اعرفها من هنا: تاريخ العملة المعدنية وتكليف صناعة الجنيه المصري!

هل هيتم تعويم الجنيه مرة تاني؟

الدكتور طارق عوض المتحدث الرسمي باسم البنك الأهلي رد على الكلام اللي بيتقال بإن هيحصل تعويم للجنيه مرة تانية وقال: 

لن يكون هناك تعويم آخر للجنيه، وكل اللي بيتقال حاليًا إشاعات مالهاش أي أساس من الصحة.

المرة الأولى لتعويم الجنيه

وكانت المرة الأولى لتعويم الجنيه في نهاية 2016، يعني من 6 سنين تقريبًا، وكان القرار دا بعد ما تأز الوضع الاقتصادي وانهار سعر الجنيه قدام الدولار، والسوق السوداء انتعشت جدًا.

في الوقت دا عانى رجال الأعمال من عدم حصولهم على مبالغ مالية من العملة الأجنبية متاحة، ودا خلى خيار تعويم الجنيه هو الحل الوحيد والأفضل للقضاء علي السوق السوداء وتحرير سعر الصرف.

آراء خبراء الاقتصاد

حسب تقارير اقتصادية حديثة فالكلام عن تعويم الجنيه للمرة التانية أمر غير صحيح بالمرة، والتعويم معناه تخفيض سعر صرف الجنيه قدام العملات الاجنبيه، وممكن يخليه يوصل لـ 20 و25 جنيه.

ودا لو حصل مش هيكون مكسب نهائي لكنه هيسبب خسائر اقتصادية ضخمة.

تصريحات تانية للمتحدث الرسمي..

الشهادات الدولارية

وفي جلسة "المشروعات القومية وفرص الاستثمار العقاري في مصر" اللي بتتقام على هامش مؤتمر الكيانات المصرية بالخارج اتكلم الدكتور طارق عوض وقال إن على الرغم من عمل شهادات دولارية للمصريين بالخارج لكنها ماجبتش نتايج كويسة لغاية دلوقتي إلا أنها مستمرة.

معلومات أكتر عن الشهادات الدولارية من هنا: تفاصيل شهادة "أهل مصر الدولارية" من البنك الأهلي بعائد 2.25%