موعد حفل عمر خيرت في مهرجان القلعة: التذكرة بـ 20 جنيه

امتى موعد حفل عمر خيرت في مهرجان القلعة الدولي للموسيقى والغناء 2022؟ حفلة عمر خيرت الجاية فين؟ تذكرة مهرجان القلعة بكام؟ جدول حفلات مهرجان القلعة؟ ومعلومات تانية كتير بتدور عليها هتلاقيها في المقال دا.

اعرف موعد وبرنامج مهرجان القلعة 2022 "المحكى" في دورته الـ 30، واللي سعر التذكرة فيه هتكون 20 جنيه، والمهرجان هيكون خلال الأيام الجاية في شهر أغسطس وهيستمر لمدة 15 يوم متواصلين.

اعرف كل برنامج مهرجان القلعة من هنا: موعد وبرنامج مهرجان القلعة 2022: التذكرة بـ 20 جنيه

موعد مهرجان القلعة "المحكى"

وزيرة الثقافة الدكتورة نيفين الكيلاني، قررت تأجيل افتتاح فعاليات مهرجان القلعة الدولي للموسيقى من يوم 14 أغسطس ليوم 17 أغسطس، والتأجيل كان تضامنًا مع حادث كنيسة أبو سيفين اللي حصل يوم الأحد الصبح وأدى لوفاة 41 مواطن و12 مصاب.

وبالفعل بدأ مهرجان القلعة يوم الأربعاء 17 أغسطس وهيستمر 31 أغسطس 2022، وهنقولك على برنامج المهرجان موعد حفل عمر خيرت ومعلومات تانية كتير.

موعد حفل عمر خيرت في مهرجان القلعة

حفل عمر خيرت بمهرجان القلعة هيكون يوم الأربعاء 31 أغسطس، وتبدأ الحفلات الساعة ٨ مساء، وسعر التذكرة 20 جنيه في اليوم مقابل حضور حفلين تشمل رسم دخول القلعة، ودول الحفلتين اللي موجودين اليوم دا:

الأربعاء 31/8:

• فقرة أولى: مجموعة التشيللو state of harmony
• فقرة تانية:الفنان عمر خيرت.

لو حفلات عمر خيرت في الأوبرا بتكون غالية عليك اعرف الحل من هنا: دلوقتي تقدر تحضر حفلات عمر خيرت في الأوبرا بالتقسيط

تحجز ازاي حفل عمر خيرت في مهرجان القلعة؟

الحجز بداية من الساعة 5 مساء يوم الحفل اللي هو الأربعاء 31 أغسطس، والتذاكر هتكون متاحة بس في نفس يوم الحفل عند بوابات القلعة ولا يوجد حجز مسبق. 

كمان هيكون في اوتوبيسات لنقل الجمهور من بعد بوابة التذاكر وحتى مكان العرض والعودة بهم الى نفس المكان بعد انتهاء الحفلات.

اعرف كل حفلات شهر أغسطس من هنا: حفلات وعروض فنية في أغسطس 2022: كاظم الساهر وعمرو دياب وعنبة