مين المستحقين زيادة التموين الجديدة؟ وايه مكوناتها؟

زيادة التموين الجديدة هتتصرف امتى وهتكون عبارة عن ايه بالظبط وهل أنت من المستحقين اللي هتتصرفلهم ولا لا؟ اعرف أكتر عن أخبار بطاقات التموين والجديد في الزيادات.

ملايين الأسر من أصحاب بطاقات التموين وأصحاب معاش تكافل وكرامة بتنتظر حاليًا صرف زيادة التموين الجديد بداية من شهر سبتمر الجاي علطول، واللي هتكون 100 جنيه شهريا لكل أسرة لمدة 6 أشهر.

اعرف كمان: ازاي تحدث بيانات بطاقتك التموينية على موقع دعم مصر؟

ليه الحكومة أقرت الزيادة دي؟

الحكومة أقرت زيادة التموين الجديدة كدعم استثنائي للأسر الأولى بالرعاية، بعد توجيهات من الرئيس عبدالفتاح السيسي بضخّ حزمة حماية اجتماعية، للتعامل مع الظروف الاقتصادية العالمية اللي نتجت عن الحرب الروسية الأوكرانية.

مين المستحقين صرف زيادة التموين الجديدة؟

• 9 ملايين و100 ألف أسرة.
• ودي الأسر الأكثر استحقاقا للدعم.
• ويبدأ صرف الزيادة مع التموين الشهري الخاص بشهر سبتمبر 2022.
• كل أسرة يقل معاشها عن 2500 جنيه.
• كل أسرة يقل دخلها الشهري عن 2700 جنيه.
• أصحاب معاش تكافل وكرامة.
• أصحاب بطاقات التموين من الأرامل والمطلقات.

ايه هي قواعد صرف السلع التموينية بالزيادة الجديدة؟

• زيادة شهرية 100 جنيه للبطاقة اللي فيها أسرة واحدة.
• 200 جنيه للبطاقة المدرج عليها أسرتين أو 3.
• 300 جنيه للبطاقة المدرج عليها أكثر من 3 أسر.
• والزيادة دي هتكون سلع تموينية مش دعم نقدي

اعرف أسعار السلع التموينية في يوليو 2022: الزيت بـ 23 جنيه

ايه هي قواعد الصرف من منافذ البقالين؟

• صرف زجاجة زيت لكل فرد على بطاقة التموين بحد أقصى 4 زجاجات للبطاقة الواحدة.
• صرف 2 كيس سكر لكل فرد على بطاقة التموين بحد أقصى 8 أكياس للبطاقة.
• صرف كيس أرز وزن كيلوجرام للبطاقة اللي بيقل عدد أفرادها عن 4.
• صرف 2 كيلو أرز للبطاقة اللي بيصل عدد أفرادها إلى 4 أفراد فأكثر.
• صرف كيس مكرونة وزن 800 جرام للبطاقة اللي بيقل عدد أفرادها عن 4 أفراد.
• صرف 2 كيس مكرونة وزن 800 جرام للبطاقة اللي يصل عدد أفرادها إلى 4 أفراد فأكثر.
• صرف باقي المستحق من قيمة الدعم من أصناف قائمة السلع التموينية التي تبلغ 30 سلعة مدعمة.
• عدم تجاوز إجمالي السلع المشتراة لرصيد الدعم التمويني المقرر.
• مسموح للمواطن بصرف حزمة السلع طبقًا لاحتياجاته فيما لا يتجاوز 5 جنيهات عن مبلغ الزيادة المقرر للبطاقة.
• من حق المواطن صرف مستحقاته بحد أقصى 4 مرات في الشهر من المنفذ التمويني.