هل البنوك ممكن تطرح شهادات جديدة بفائدة أعلى من 18%؟

لجنة السياسة النقدية للبنك المركزي المصري هتجتمع بكرة، الخميس 19 مايو 2022، والكل منتظر القرارات اللي هيتم إعلانها خاصة بعد ما البنك الفيدرالي الأمريكي رفع أسعار الفائدة بنسبة 0.5% خلال الأيام اللي فاتت.

فايدتي هتقولك رأي الخبراء المصرفيين وتوقعاتهم بشأن أسعار الفائدة، وهل ممكن البنوك المصرية تطرح شهادات جديدة بفائدة أعلى من 18%.

البنك المركزي ناوي على ايه في اجتماع بكرة؟ اعرف أكتر من هنا: يا ترى البنك المركزي ناوي على ايه بشأن أسعار الفائدة؟

رفع سعر الفائدة

خبراء كتير شايفين إن تأثير قرار الفيدرالي الأمريكي الخاص برفع أسعار الفائدة بنسبة 0.5% مش هيأثر بشكل كبير على مصر.

وتوقعوا كمان إنه مش هيتم طرح شهادة بسعر فائدة أعلى من 18% خلا الفترة الجاية، ودا في حالة إذا البنك المركزي قرر يرفع أسعار الفائدة مرة تاني في اجتماعه بكرة الخميس.

ممكن يتم طرح شهادات أعلى من 18%؟

الخبراء قالوا إنه مش متوقع يتم طرح شهادة بأعلى من 18% لكن هيكون فرصة أمام باقي البنوك إنها تقدم شهادات بعائد أعلى.

ولو أنت ما تعرفش خلينا نقولك إن شهادة الـ 18% لسه قائمة ومبيعاتها في تزايد مستمر.

ايه اللي ممكن تستفيده من شهادة الـ 18% كمان؟ اعرف أكتر من هنا: ازاي تحصل على قرض بضمان شهادة ادخار 18%؟

البنك الأهلي وبنك مصر

لو ماتعرفش خلينا نقولك إن حصيلة بيع الشهادة مرتفعة الفائدة، وبتبلغ نسبة الفائدة عليها 18% في بنكي الأهلي المصري، وبنك مصر.

وتخطت مبيعات الشهادة الـ 18%، لغاية أبريل اللي فات، الـ600 مليار جنيه.

تعرف ايه عن شهادة الـ 18%؟

فروع البنك الأهلي المصري وبنك مصر، بدأت في طرح شهادة الـ 18% للجمهور في 21 مارس اللي فات، تحديدًا بعد قرار البنك المركزي المصري، الخاص برفع أسعار الفائدة 1%.

اعرف أكتر عن شهادة الـ 18% من هنا: بفائدة 18%: اعرف أكتر عن شهادات إدخار البنك الأهلي وبنك مصر